ლედი გაგას ოპერაცია გაუკეთეს

ლედი გაგას თეძოზე ოპერაცია გაუკეთეს. წარმატებული ქირურგიული ჩარევის შესახებ მომღერალმა საკუთარ საიტზე დაწერა.

წერილში გაგამ აღნიშნა, რომ "ყველაფერი სწრაფად მოხდა", მაგრამ ოპერაციის წინ მან თაყვანისმცემლების ის მრავალრიცხოვანი წერილები გაიხსენა, რომელთაც ცხოვრებაში გაცილებით მეტი სირთულეები გამოიარეს. "თუ ეს თქვენ

შეძელით, მეც შევძლებ",- დაწერა მომღერალმა და თაყვანისმცემლებს მხარდაჭერისთვის მადლობა გადაუხადა.

ტრავმის გამო ლედი გაგამ მსოფლიო ტურნე Born This Way Ball შეწყვიტა. მომღერლის მენეჯერის განცხადებით, ვარსკვლავმა მარჯვენა ფეხი დაიზიანა, თუმცა სერიოზული ყურადღება ჩალურჯებებისთვის არ მიუქცევია. მომღერალი ბარძაყის არეში ტკივილს სისტემატურად გრძნობდა, მოგვიანებით კი გაუსაძლისი ტკივილები დაეწყო, ამიტომ ქირურგიული ჩარევა გახდა საჭირო.

მომზადებულია lenta.ru-ს მიხედვით.