უიტნი ჰიუსტონის ქალიშვილი ორსულად არის

პრესაში აქტიურად იწერება, რომ გარდაცვლილი მომღერლის უიტნი ჰიუსტონის ქალიშვილი, ბობი კრისტინა ორსულად არის. გოგონას მუცელი რამდენიმე კვირის წინ დაეტყო. კრისი, რომელიც ჯერ ოცი წლისაც არ გახლავთ, ამჟამად ღრმა დეპრესიას განიცდის. მის მდგომარეობას ისიც ამძიმებს, რომ მალე დედის გარდაცვალებიდან ერთი წელი შესრულდება, ის კი ვერ ეგუება, რომ უიტნი მის გვერდით აღარ არის. შეგახსენებთ, რომ გასულ წელს ჰიუსტონის მოულოდნელმა სიკვდილმა, მის ქალიშვილზე ძლიერ იმოქმედა და ნერვიული აშლილობის გამო საავადმყოფოში მოხვდა. ახლობლები და მეგობრები შიშობენ, რომ კრისტინა თვითმკვლელობაზე ფიქრობს. მისი ნათესავები, რომლებიც ნიკ გორდონთან გოგონას რომანს კატეგორიულად ეწინააღმდეგებოდნენ, ახლა სურთ, რომ წყვილმა ურთიერთობა აღადგინოს. მათი აზრით, კრისის ამ მდგომარეობიდან გამოყვანა მხოლოდ ნიკს შეუძლია. შეგახსენებთ, რომ ნიკ გორდონი უიტნი ჰიუსტონმა სიცოცხლეში იშვილა. მოგვიანებით გორდონსა და ბობი კრისტინას ერთმანეთი შეუყვარდათ, თუმცა, მათი ურთიერთობა გასული წლის ნოემბერში დასრულდა.