ერთი კილო კივი ერთი თვით გაგიხანგრძლივებთ სიცოცხლეს

დიეტოლოგებმა დაადგინეს, რომ კივის მირთმევისას ორგანიზმი გამოიმუშავებს ენდორფინებს, ეგრეთ წოდებულ ბედნიერების ჰორმონებს.
ერთ კილოგრამ კივის, სპეციალისტთა ვარაუდით, შეუძლია, ადამიანს ერთი თვით გაუხანგრძლივოს სიცოცხლე. 

გარდა ამისა, კივი აწესრიგებს არტერიულ წნევას, თირკმლებისა და კუჭ-ნაწლავის მუშაობას; ასევე, დადებითად მოქმედებს ემოციურ მდგომარეობაზე. მთლიანობაში, კივი, მასში შემავალი სასარგებლო ნივთიერებების წყალობით, სასიკეთოდ მოქმედებს ადამიანის ჯანმრთელობასა და შესაბამისად, მისი სიცოცხლის ხანგრძლივობაზე.

კივის ნაყოფი უნიკალურია იმითაც, რომ, ფაქტობრივად, არაკალორიულია, სასარგებლო ნივთიერებებს კი უხვად შეიცავს - ეს გახლავთ პექტინები, ორგანული მჟავები, ვიტამინების უზარმაზარი ნაკრები, რომელთა შორის ყველაზე მეტია მაგნიუმი, კალიუმი, ფოსფორი, რკინა.

C ვიტამინი კი კივიში გაცილებით მეტია, ვიდრე ფორთოხალში. ამიტომაც კივი ფორთოხალზე უკეთ იცავს ორგანიზმს ინფექციებისგან და ამაღლებს იმუნიტეტს.

სხვათა შორის, კივის რბილობი დადებითად მოქმედებს სახის კანზე. კივის რბილობს შეურიეთ ერთი კვერცხის გული, მცირეოდენი ზეითუნის ზეთი და კარგად აურიეთ, წაისვით სახეზე და გაიჩერეთ 15 წუთით. ასეთი ნიღბის შემდეგ კანი უკეთ გამოიმუშავებს კოლაგენს, რაც ხელს უწყობს კანის ელა­ს­ტიკურობისა და სიმკვრივის შენარჩუნებას.

ჟურნალი ”რეიტინგი”