ლევან ჯიბღაშვილს 17 000 დოლარიანი საათი უკეთია
მსახიობ ლევან ჯიბღაშვილს გარედერობი ისეთი მოწესრიგებული აქვს, ქალებს შეშურდებათ.ამბობს, დედამ წესრიგს მიმაჩვია და ახლა, როცა მარტო ვცხოვრობ, ყველაფერს მე თვითონ ვუვლიო.ფეხსაცმელები (30 წყვილზე მეტი) ყუთებში აქვს ჩაწყობილი კოხტად, პერანგები და შარვლები კი დაკეცილი და საკიდებზე დაკიდებული ზომებისა და ფერების მიხედვით.
ძალიან დიდ ყურადღებას აქცევს ფერთა შეხამებას.ჯერ ტანსაცმელს იცვამს, მერე შესაბამის აქსესუარებს არჩევს და ბოლოს ფეხსაცმელს.ამ ყველაფერს, როგორც ამბობს, დილითვე არჩევს, მერე აბაზანაში შედის და გამოსვლისთანავე ჯარისკაცივით უცებ გამოეწყობა მთლიანად.
თურმე ლევანს საათების კოლექცია აქვს და მეგობრების წყალობით ძვირადღირებულ საათებსაც უჭირავს ადგილი მის კოლექციაში.აქედან ყველაზე ძვირადღირებული 17 000 დოლარიანია, აქვს 12 000 და 10 000 დოლარიანი საათებიც, თუმცა ამბობს, რომ ამ საათების კეთებისას ისეთ ემოციას ვერ იღებს, როგორც თავისი შეგროვებული ფულით ნაყიდი 125 ლარიანი საათის გაკეთებისას იღებდა ხოლმე.ძვირადღირებულ საათებს საქმიან შეხვედრებზე იკეთებს, დანარჩენებს კი_ყოველდღიურად.
რა გასაკვირია, ასეთმა მოწესრიგებულმა მაამკაცმა რომ სხვებიც შეაფასოს ჩაცმულობის მიხედვით...გინდ საქმიან შეხვედრაზე ვიყო, გინდ უბრალოდ გოგოს ვხვდებოდე, მნიშვნელობა არ აქვს, ჩაცმულობა ყოველთვის დიდ გავლენას ახდენს ჩემზე და ვერაფრით სერიოზულად ვერ შევხედავ ადამიანს, რომელიც ათას ფერს უაზროდ ურევს ერთმანეთში და გემოვნებიანად ვერ უხამებს ტანსაცმელს და აქსესუარებს_ამბობს ახალგაზრდა მსახიობი...ძალიან ლამაზ გოგოს, უაზროდ ჩაცმულს, ათასჯერ ურჩევნია ნაკლებადმომხიბლავი და კოხტად ჩაცმული, თუმცა ამას ისიც ემატება, რომ ყოველთვის სხვადასხვანაირი სტილით უნდა გამოირჩეოდეს გოგო, რომ მას სერიოზულად მოეწონოს...
ასე რომ, გოგონებო, ვისაც სიმპათია გაქვთ ლევანის მიმართ, შეგიძლიათ ისარგებლოთ ამ რჩევებით და მოემზადოთ მისი გულის დასაპყრობად.
ალბათ ისიც უნდა აღვნიშნოთ, რომ ლევანი ეკონომიური და წინდახედული ადამიანია და ურჩევნია, ტანსაცმელი ფასდაკლებების დროს იყიდოს, არ თვლის საჭიროდ, 200 ლარი გადაიხადოს რამეში, როცა იცის, რომ მალე 50 ლარად შეძლებს მის ყიდვას...ფასდაკლების დროს.
