როგორ მოხიბლა რატი დურგლიშვილმა თურქები და რატომ არის ისევ მარტო?

ცნობილი და სიმპატიური მომღერალი რატი დურგლიშვილი ჯერჯერობით ისევ მარტოა, ის ახლახანს დაშორდა შეყვარებულს რადგან მათი შეხედულებები არ ემთხვეოდა და ურთიერთობა არ აეწყო. ცოტა ხნის წინ მომღერალი ანტალიაში იყო ახლობლის ქორწილში ოჯახთან ერთად. “ შემდეგ ხუთი დღე დავისვენეთ. ბევრი ტურისტი იყო, მიუხედავად იმისა, რომ ზამთარია. ერთ საღამოს, ნომერში ვიყავი და ჩემთვის ვმღეროდი. უცებ კარზე კაკუნი შემომესმა. რომ გავაღე, ამავე სასტუმროში მცხოვრები თხუთმეტი კაცი მაინც იდგა. მთხოვეს, მათთან წავსულიყავი და მემღერა. უარი ვეღარ ვუთხარი, იქ ბევრი თურქი მომღერალიც ჰყოლიათ მიწვეული და კარგი საღამო გამოვიდა. რამდენიმე სიმღერა შევასრულე, ისე მოეწონათ, აღარ მიშვებდნენ''.