• რატომ უნდა იყოს მუცელი აუცილებლად გლუვი, ვინ გადაწყვიტა?

    ზაფხული გარუჯვის აქტიური პერიოდია. ქალბატონებისთვის მეტად მნიშვნელოვანია, რომ სხეული იდეალურ თუ არა კარგ ფორმაში მაინც ჰქონდეთ.

    გლუვი და ლამაზი ფორმის მუცელი ქალთა უმრავლესობისთვის ნაკლებად რეალური ოცნებაა.
    რატომ უნდა იყოს მუცელი აუცილებლად გლუვი? ვინ გადაწყვიტა, რომ მხოლოდ გლუვი მუცელია ლამაზი?
    თითოეულ ჩვენგანს შესაძლებელია ჰქონდეს ლამაზი და მომხიბვლელი მუცელი,რაშიც კომპლექსური ვარჯიში დაგვეხმარება.
    შეასრულეთ ვარჯიში ყოველდღიურად, (სურვილისამებრ დღეში 2-ჯერ.)

    ვარჯიშში მონაწილეობს მუცლის თითქმის ყველა კუნთი.
    გირჩევთ მოსათელად 5-15 წთ. ჰულა-ჰუპი დაატრიალოთ.
    ჩვენი ბავშვობის განუყრელ მეგობარ ალუმინის რგოლს, ზოგიერთი
    არასერიოზულად აღიქვამს, თუმცა სულ ტყუილად.
    დამტკიცებულია, რომ ყოველდღიური 20-30 წთ-იანი აქტიური ვარჯიში რგოლით ამცირებს წელის გარშემოწერილობას 2-3 სმ-ით.

    ახლა კი ყურადღებით, ვიწყებთ ვარჯიშს:
    1. საწყისი მდგომარეობა:
    დაწექით ზურგზე, ხელები თავს უკან შემოიდეთ, მზერა ჭერისკენ
    მიმართეთ, კისერი მოდუნებულია. წამოსწიეთ მხრები, წონასწორობა დაიცავით პრესის ზედა ნაწილით. ფეხები მოხრილია მუხლებში მართი კუთხით (წვივები არ მოხაროთ)

    2. წამოწიეთ მხრები და ნელა დაუბრუნდით საწყის მდგომარეობას;

    3. ახლა კი ზურგით ძლიერად დაეყრდენით იატაკს, წელი აწიეთ,
    მუხლები მოხარეთ თქვენსკენ;

    4. ნელა დაუბრუნდით საწყის მდგომარეობას. გაითვალისწინეთ: საწყის მდგომარეობაში მუხლები ჭიპის ხაზს არ უნდა აცდეს; ზურგით მჭიდროდ მიეკარით იატაკს, რათა პრესი ძლიერად დაიჭიმოს, კისერი არ დაჭიმოთ.
    ვარჯიში შეასრულეთ აუჩქარებლად.
    ვარჯიში გაიმეორეთ 10-ჯერ, დაისვენეთ და ისევ გაიმეორეთ.
    ვარჯიშის შემდეგ შეასრულეთ გაჭიმვა. დაწექით მუცელზე, ხელებით დაეყრდენით იატაკს, ტანი წამოწიეთ ისე, რომ წელი იატაკს არ
    მოაშოროთ. ამ მდგომარეობაში გაჩერდით რამდენიმე წთ.
    2 597 ნახვა
    21-05-2016, 22:31
    GOGATV

    abezara