რატომ აღარ მიჰყავს დავით კიკალიშვილს ”პ.ს.”?

უკვე მეორე თვეა, დათო კიკალიშვილს ”კურიერი პ.ს.” აღარ მიჰყავს. მის მაგივრად პაატა იაკობაშვილია გადაცემის წამყვანი.
შევეცადე გამერკვია, სადაა დათო კიკალიშვილი. სოციალურ ქსელში ზოგმა ვარაუდი გამოთქვა, არხი ხომ არ დატოვაო. პირველ რიგში, პაატა იაკობაშვილს დავურეკე იმის გასარკვევად, სად არის ”პ.ს”-ის ძველი წამყვანი.

თურმე, დათო უკვე მეორე თვეა, ავსტრიაშია. გამიკვირდა, რომ ”რუსთავი 2”-იდან შვებულებაში ამდენი ხნით უშვებენ. - მერე ვინ გითხრა, რომ შვებულებაშიაო, - მკითხა პაატამ. ჯანმრთელობის პრობლემები ხომ არ აქვს-მეთქი, ჩავეკითხე. - კარგადაა და თვის ბოლოს ჩამოვაო, - მიპასუხა.

დათოს ავსტრიაში ყოფნის მიზეზი ოჯახის წევრებისგანაც ვერ გავიგე კარგად. მეუღლემ მითხრა, რომ დათო იქ საქმეებზე მარტოა წასული და რომ ჩამოვა, ყველაფერი მასთან გადაამოწმეთო.

მოკლედ, დაწვრილებით ვერაფერი გავარკვიე, გარდა იმისა, რომ დათო უკვე მეორე თვეა, ავსტრიაშია, მალე დაბრუნდება და კვლავ ”კურიერი პ.ს”-ს წაიყვანს. ეკრანიდან ორთვიანი გაუჩინარების მიზეზზე კი, ალბათ, ყველაფერს თავად გვიამბობს.

დიჯეი ბუკლე
ჟურნალი "რეიტინგი