2013 წლის მარტის სექს-ჰოროსკოპი

მარტი სასიყვარულო ასპარეზზე ძალიან მრავალფეროვანი იქნება. მიუხედავად იმისა, რომ, ძირითადად, პირველ ადგილზე პირადი ამბიციები, კარიერა და სამსახური იქნება, სიყვარული მაინც მნიშვნელოვან ადგილს დაიკავებს 12-ივე ნიშნის ცხოვრებაში.

ბოლოს და ბოლოს, ეს ხომ მარტია... ვნებებისა და გრძნობების მოზღვავების თვე.

ვერძი (21 მარტი-20 აპრილი)

ვერძებს მარტში ყველაზე მეტად კარიერაში თვითრეალიზაცია დააინტერესებთ. ამიტომაც მათ პარტნიორებს მოუწევთ, აიტანონ და შეეგუონ ამას.

თუ თქვენ ჯერ კიდევ თავისუფალი ხართ, მაშინ არსებობს სამსახურებრივი რომანის ალბათობა მასთან, ვინც თქვენზე მაღალ თანამდებობაზეა. თქვენ სიამოვნებით შეუთავსებთ სასარგებლოს სასიამოვნოს. თუმცა, გამორიცხული არ არის, რომ როგორც კი ის დაგეხმარებათ მიზნის მიღწევაში, თქვენ მაშინვე დაიწყოთ ახალი, მეტად რომანტიკული ურთიერთობის ძებნა.

შეეცადეთ, ისე მოიქცეთ, რომ თქვენი უმადურობა ძალიან თვალშისაცემი არ იყოს, თორემ თქვენი მფარველი ძალიან მარტივად "წაიღებს" თავის საჩუქარს უკან.

კურო (21 აპრილი-20 მაისი)

კუროებს მარტში დატვირთული სამუშაო გრაფიკი ელით. ამიტომაც იმას, რომ ცხოვრებაში არსებობს ისეთი გრძნობა, როგორიც სიყვარულია, კუროები მხოლოდ მაშინ გაიხსენებენ, როცა პარტნიორი ჯიუტად შეახსენებს საკუთარ არსებობას.

თუმცა, თვის დასაწყისში თქვენ მაინც შეძლებთ საყვარელ ადამიანზე გადართვას, მისთვის თბილი და რომანტიკული მომენტების ჩუქებას. ამიტომაც შემდეგში თქვენი კარიერული ამბიციები მასში სერიოზულ გაღიზიანებას არ გამოიწვევს.

თუ ჯერ კიდევ თავისუფალი ხართ, მაშინ თქვენს ყურადღებას მიიპყრობს ადამიანი, რომელიც თქვენზე ნაკლებია. გამორიცხული არ არის, რომ მას საკუთარი მფარველობის ქვეშ აიყვანთ და ეს გახდება დიდი გრძნობის დასაწყისი.

ტყუპი (21 მაისი-21 ივნისი)

ტყუპებს მარტში ყველაზე მეტად დააინტერესებთ ის ადამიანები, ვისაც უმტკივნეულოდ გამოიყენებენ. გამორიცხული არ არის, რომ განზრახ შეამციროთ საკუთარი გამარჯვებები და გაამძაფროთ პრობლემები და ჭირ-ვარამი იმისათვის, რომ შეგიცოდონ და დაგეხმარონ.

თუ თქვენს გვერდით აღმოჩნდება ადამიანი, რომელიც სიამოვნებით იტვირთავს თქვენზე ზრუნვას, მაშინ ჰარმონიული ურთიერთობა გარანტირებული გექნებათ. ყოველ შემთხვევაში, რაღაც პერიოდი მაინც. ქორწინებამდე კი ეს ურთიერთობა მხოლოდ იმ შემთხვევაში მივა, თუ თქვენ მოგბეზრდებათ საკუთარი უსუსურობის გამოვლინება და მთელი თქვენი მომხიბვლელობით წარმოჩინდებით.

თქვენი მრავალმხრივი ბუნება ამპლუის ცვლას ითხოვს. სხვაგვარად მოიწყენთ.

მაგრამ თუ თქვენ უკვე გყავთ მუდმივი პარტნიორი, მას გრძნობის ნამდვილ გამოცდას მოუწყობთ. მთავარია, გახსოვდეთ, რომ ყველა არ ტოვებს უპასუხოდ მასზე ჩატარებულ ექსპერიმენტებს.

კირჩხიბი (22 ივნისი-22 ივლისი)

კირჩხიბებს მარტში დიდი მოთმინების უნარის გამოჩენა მოუწევთ იმისათვის, რომ ადეკვატურად აღიქვან და მიუტევონ თავიანთ მეორე ნახევრებს უყურადღებობა. გამორიცხული არ არის, რომ თქვენი ტოლერანტობაც არ იყოს საკმარისი იმასათვის, რომ შეეგუოთ უყურადღებობასა და გულგრილობას.

თუმცა, თუ ამ არც ისე მარტივ პერიოდს გადაიტანთ, მომავალში საყვარელ ადამიანთან ურთიერთობა უფრო მყარი და ჰარმონიული გახდება. მთავარია – გაითვალისწინოთ პარტნიორის ხასიათის თავისებურებები. ამ შემთხვევაში თქვენთვის ნათელი გახდება, რატომ იქცევა ასე და არა სხვანაირად.

თუ თქვენ ჯერ კიდევ თავისუფალი კირჩხიბი ხართ, შეხვედრა გელით ადამიანთან, რომელიც ყველა იმათგან განსხვავდება, ვისაც აქამდე იცნობდით. გამორიცხული არ არის, რომ გაიცნოთ პიროვნება, რომელსაც რაღაც კავშირი ექნება წყალთან - შესაძლოა გაიცნოთ გემზე, ჩანჩქერთან ან აუზში.

თუ თქვენ დიდი ხანია და თქვენი აზრით, უიმედოდ ხართ შეყვარებული, მაშინ მარტი შესანიშნავ შანსს მოგცემთ, რომ ამ ადამიანს დაუკავშიროთ მომავალი. არ გაუშვათ ხელიდან ეს შანსი.

ლომი (23 ივლისი-22 აგვისტო)

ლომებისთვის მარტში კარიერული ამბიციები არა მარტო პირველ ადგილზე გადმოინაცვლებს, არამედ მთლიანად გადაფარავს ყველაფერ დანარჩენს. ამიტომაც მისი გულის დაპყრობა ამ პერიოდში ადვილი არ იქნება.

მაგრამ თუკი ვინმეს მაინც გამოუვა და მოიგებს ლომის გულს, მაშინ ეს ურთიერთობა დიდხანს და მყარად გაგრძელდება.

საეჭვოა, რომ ამ თვეში მოკრძალებულ კოლეგას ან უღიმღამო ახალ ნაცნობს მიაქციოთ ყურადღება, თქვენ მარტივად "შეებმებით" ძალაუფლებისა და დაუცველობის "ძლევამოსილ კომბინაციაზე".

თუ უკვე გყავთ მუდმივი პარტნიორი, მაშინ მას ან მოთმინებით ლოდინი მოუწევს, მანამ თქვენ მორჩებით კარიერულ თამაშს, ან გვერდში უნდა ამოგიდგეთ და ყველანაირად დაგეხმაროთ. წინააღმდეგ შემთხვევაში, უყოყმანოდ დაფიქრდებით ცხოვრების მეგზურის შეცვლაზე.

ქალწული (23 აგვისტო-22 სექტემბერი)

ქალწულებს მარტში აქტიური სამუშაო გრაფიკისა და საყვარელ ადამიანთან დროის გატარების ერთმანეთთან შეთავსება მოუწევთ. გამორიცხული არ არის, რომ პარტნიორი თქვენგან იმაზე მეტ ყურადღებას მოითხოვს, ვიდრე საერთოდ ითხოვდა.

გარდა ამისა, თქვენს გვერდით, სამსახურში აღმოჩნდება ისეთი ადამიანი, ვინც უცნაური მეთოდებით შეეცდება თქვენი ყურადღების მიპყრობას.

თუ ჯერ კიდევ თავისუფალი ხართ, მაშინ არსებობს შანსი, გააბათ რომანი ადამიანთან, რომელსაც ხშირად ხვდებით რომელიმე კომპანიაში ან სახლთან. თუმცა, თუ თქვენი გრძნობა მხოლოდ იმით იქნება ნაკარნახევი, რომ წყვილი გყავდეთ, მაშინ ეს რომანი საეჭვოა, დიდხნიანი აღმოჩნდეს.

სასწორი (23 სექტემბერი-22 ოქტომბერი)

სასწორებს მარტში საწინააღმდეგო სქესის მიმართ შეხედულება შეეცვლებათ. რაც ადრე მომხიბვლელად გეჩვენებოდათ, ახლა ამას ყურადღებას აღარ მიაქცევთ. რაც ადრე გაღიზიანებდათ, ამჟამად შესაძლოა, ახალი გრძნობის დაწყების მიზეზი გახდეს.

გამორიცხული არ არის, რომ შეგიყვარდეთ ადამიანი, რომელთანაც თავდაპირველად წარმოუდგენლადაც მოგეჩვენებათ რაიმე ურთიერთობის დაწყება. შესაძლოა, ის რაღაც მიზეზების გამო თავისუფალი არ იყოს ( იმყოფებოდეს ქორწინებაში, ჰყავდეს პარტნიორი, იხდიდეს სასჯელს და სხვა). სიყვარულის საფუძველი გახდება, დაიცვათ ეს ადამიანი უსიამოვნებებისა და უსამართლობისგან.

თუმცა უნდა გახსოვდეთ, რომ შესაძლოა, ამ ადამიანმა თქვენი კეთილგანწყობით ისარგებლოს. შეეცადეთ, თავიდან აიცილოთ შეცდომები.

თუ უკვე გყავთ საყვარელი ადამიანი, მაშინ თქვენი მისდამი დამოკიდებულება მისი დამსახურებების პირდაპირპროპორციული იქნება. თუ ის მოახერხებს გააკეთოს ამ პერიოდში რაიმე მნიშვნელოვანი, მაშინ კიდევ დიდი ხნით დარჩება თქვენთვის ფავორიტად. მაგრამ თუ ვერ მოახერხებს ამას – მაშინ თქვენი იმედგაცრუება შესაბამის შედეგს გამოიღებს.

მორიელი (23 ოქტომბერი-21 ნოემბერი)

მორიელები მარტში აქტიურად დაიწყებენ იმ ადამიანის ძებნას, რომელიც დიდხანს და მოთმინებით აიტანს მისი ხასიათის თავისებურებებს. გამორიცხული არ არის, რომ შეგნებულად გამოამჟღავნოთ საკუთარი ნეგატიური თვისებები იმ მიზნით, რომ თუ ასეთს შეგიყვარებენ, მაშინ ეს იღბალია და მთელი ცხოვრებით. მთავარია – არ გადააჭარბოთ, რადგან ყველა ვერ წამოეგება თქვენს გენიალურ გეგმაზე და შესაძლოა, ისეთი ვინმე დააფრთხოთ, ვისაც დიდი ხანია, თქვენთან დაკავშირებით გეგმები აქვს.

გარდა ამისა, მოერიდეთ "ავანსების" გაცემას. თუ მარტის პირველ ორ დეკადაში თქვენთვის საინტერესო პიროვნება მოთმინებით დაელოდება, როდის შეასრულებთ დანაპირებს, მაშინ მარტის ბოლოს მოგიწევთ, სათანადო პასუხი აგოთ თქვენს საქციელზე.

თუ უკვე გყავთ მუდმივი პარტნიორი, მაშინ ცოტა არ იყოს, ჩახლართული ურთიერთობა გელით. თუმცა, უფრო სარწმუნოა, მოვლენებზე კონტროლი საკუთარ თავზე აიღოთ და მალე ყველაფერი თავის ადგილზე დაალაგოთ.

მშვილდოსანი (22 ნოემბერი-21 დეკემბერი)

მშვილდოსნებს მარტში ელით სამსახურებრივი რომანი, რომელიც დააკავშირებს სხვა სოციალური დონის ან კულტურის მქონე ადამიანს. სავსებით შესაძლებელია, რომ ურთიერთობა კამათით დაიწყოს ან იქიდან, რომ თქვენთვის საინტერესო პიროვნებას ვიღაცამ საჯაროდ შეურაცხყოფა მიაყენოს. თქვენი მიდრეკილება, დაიცვათ ჩაგრულები, ორმხრივი გრძნობის პროვოცირებას მოახდენს.

ყველაფერი ზემოხსენებული აქტუალურია არა მარტო თავისუფალი მშვილდოსნებისთვის, არამედ მათთვისაც, ვისაც სტაბილური და დიდხნიანი სასიყვარულო ურთიერთობა აქვს.

ასევე, ეს თვე მოგიტანთ რამდენიმე კონფლიქტურ სიტუაციას მუდმივ ან პოტენციურ პარტნიორთან. თქვენი გადარწმუნება ყოველთვის პრობლემას წარმოადგენს, მარტი კი ამ სიჯიუტეს კიდევ უფრო გაგიმძაფრებთ და ნებისმიერი თქვენი სურვილის საწინააღმდეგო ქმედება ან აზრი წყობილებიდან გამოსვლის მიზეზი გახდება. იყავით მომთმენი.

თხის რქა (22 დეკემბერი-19 იანვარი)

თხის რქებს მარტში სიყვარულისთვის არ ეცლებათ – თავით გადაეშვებიან სამუშაოში.

ეს იქნება საყვარელ ადამიანთან კონფლიქტებისა და სკანდალების მიზეზი, მაგრამ თუ ჯერ კიდევ თავისუფალი ხართ, მაშინ – საეჭვოა, მოახერხოთ პირადი ცხოვრების მოწყობა. ერთ მოკლევადიან რომანს ვარსკვლავები მაინც გპირდებიან, მაგრამ ეს უფრო ემოციური და ფიზიკური გაკაჟების ხერხი იქნება, ვიდრე ნამდვილი გრძნობის დაბადება.

გარდა ამისა, გრძნობის ნებისმიერი გამოვლინებისთვის ხვეწნა-მუდარა დაგჭირდებათ. თქვენ გამუდმებით მოიმიზეზებთ დაღლილობას, მოუცლელობას და იმას, რომ გიჭირთ სამუშაოდან გადმორთვა. თუ თქვენს რეალურ ან პოტენციურ პარტნიორს ეყოფა მოთმინება, რომ ეს მშვიდად აიტანოს, მაშინ შეგიძლიათ თამამად გააკეთოთ დასკვნა - მას გულწრფელად უყვარხართ.

მერწყული (20 იანვარი-18 თებერვალი)

მერწყული ალბათ ერთადერთი ნიშანია, რომლის წარმომადგენლებიც მარტში იხელმძღვანელებენ არა გონებითა და ამბიციებით, არამედ გულით. თქვენთვის ბევრად მნიშვნელოვანი იქნება ის, თუ რა ხდება თქვენს პირად ცხოვრებაში, ვიდრე მშობლიურ სამუშაო კოლექტივსა თუ საკუთარ კარიერაში.

თუმცა, თუ მიიღებთ თქვენს მიმართ სიმპათიით განწყობილი ადამიანის დახმარებას, მაშინ წარმატებით შეუთავსებთ სიყვარულს საქმეს. მაგრამ ამ დახმარებას მხოლოდ იმ შემთხვევაში ელოდეთ, თუ მზად ხართ, უპასუხოთ იგივე გრძნობით. გარდა ამისა, ამ თვეში შესაძლოა, შეგიყვარდეთ ის, ვისაც თქვენი აზრით, გულწრფელად და დიდი ხანია, ერთგულად უყვარხართ. თავი შეიკავეთ ნაჩქარევი შეფასებებისგან – იმედგაცრუება ძალიან მტკივნეული იქნება.

თუ უკვე გყავთ მუდმივი პარტნიორი, მაშინ ნუ მისცემთ ჭორებს გავრცელების საშუალებას – მთელი მარტი თვალთახედვის ცენტრში იქნებით. ამიტომაც ნებისმიერი თქვენი ფლირტი განხილვის საგანი გახდება. ეს, თავის მხრივ, საყვარელი ადამიანის მძაფრ რეაქციას და ეჭვიანობას გამოიწვევს.

თევზები (19 თებერვალი-20 მარტი)

თევზები მარტში პირად ცხოვრებას სამუშაო გრაფიკს შეუთავსებენ. თუ ჯერ კიდევ თავისუფალი ხართ, მაშინ მყარად გადაწყვეტთ, რომ მეორე ნახევარი სწორედ სამსახურში უნდა იპოვოთ.

გამორიცხული არ არის, რომ თქვენი გეგმის განხორციელებაში მივლინება დაგეხმაროთ, რომლის დროსაც დაუახლოვდებით "მიზანში ამოღებულ" კანდიდატურას. თუმცა იყავით წინდახედული – შესაძლოა, ზედმეტი წარმოსახვის უნარი გაქვთ, რეალობა კი შორს აღმოჩნდეს თქვენი ილუზიისგან. თქვენთვის საინტერესო ადამიანი შესაძლოა, არ აღმოჩნდეს თავისუფალი ან ისეთი თვისებები აღმოაჩნდეს, რომლებსაც თქვენ ვერ შეეგუებით.

თუ უკვე გყავთ მუდმივი პარტნიორი, მაშინ ის რაღაცით გაწყენინებთ ან იმედებს გაგიცრუებთ, განსაკუთრებით მაშინ, თუ უდროო დროს და დაუკითხავად შეეცდებით მისი პრობლემების მოგვარებას. ამ შემთხვევაში გარშემომყოფებში დაიწყებთ იმ ადამიანის ძებნას, ვისთანაც უფრო მშვიდად და ჰარმონიულად იცხოვრებდით. გარდა ამისა, შეეცდებით, მეტი დრო გაატაროთ სამსახურში, რომ იშვიათად "შეეჩეხოთ" თქვენი ცხოვრების მეგზურს.