ანჯელინა ჯოლის ქალიშვილის ჰონორარი კვირაში 3 ათასი დოლარია
ანჯელინა ჯოლისა და ბრედ პიტის ტყუპი შვილებიდან ერთ-ერთი - უმცროსი ქალიშვილი ვივიენ მარშელინი, მალე მიიღებს ცხოვრებაში პირველ ჰონორარს. წინასწარი მონაცემებით, მას კვირაში 3 ათას დოლარს გადაუხდიან.
ოთხი წლის ქერა გოგონა გამოჩნდება ფილმ "მალეფისენტში", რომელიც "მძინარე მზეთუნახავის" მორიგი ინტერპრეტაციაა. ეს ვერსია ზღაპრის სხვა ინტერპრეტაციებისგან იმით განსხვავდება, რომ ამბის მთხრობელი ცუდი პერსონაჟია - ბოროტი ჯადოქარი, რომელსაც ეკრანზე ანჯელინა ჯოლი განასახიერებს. ვივიენი კი პრინცესა ავრორას ბავშვობას ითამაშებს. მოზრდილი გმირის როლი ელ ფანინგს ანდეს.
სხვათა შორის, ეს ბრედისა და ანჯელინას შვილების პირველი გამოჩენა არ არის კინოში. მათი უფროსი ბიოლოგიური ქალიშვილი შაილო გამოჩნდა მამამისის ფილმში "ბენჯამინ ბატონის იდუმალი ამბავი". როგორც ჩანს, ეს გამოცდილება დიდად არ მოეწონა, რადგან "მალეფისენტში" მონაწილეობაზე სასტიკი უარი განაცხადა.
ისევე - როგორც ოჯახში უფროსმა შვილმა მედოქსმა. აი, ზაქარა და პაქსი კი ზღაპარში ეპიზოდურ როლებს ითამაშებენ, შესაძლოა, უსიტყვოსაც კი. თუმცა მთავარია დაწყება.
ფილმის პრემიერა 2014 წლის გაზაფხულისთვის იგეგმება.
ჟურნალი "რეიტინგი"
