მადონამ და დემი მურმა იჩხუბეს

ტაბლოიდები წერენ, რომ დემი მური და მადონა აღარ მეგობრობენ, რადგან პოპ-დედოფალი ეშტონ კატჩერთან ურთიერთობას განაგრძობს, ხოლო ძველი მეგობარი „ოსკარისადმი“ მიძღვნილ წვეულებაზეც კი არ დაპატიჟა. ამ ღონისძიებაზე მომღერალი, როგორც წესი, თავის ვარსკვლავ მეგობრებს კრებს. 2011 წელს მასთან ერთად სტუმრებს დემიც იღებდა. ერთი წლის შემდეგ მური წვეულებაზე არ გახლდათ, რადგან სარეაბილიტაციო კლინიკაში მკურნალობის კურსს გადიოდა. ამბობენ, რომ მაგ წელს იგი სტუმართა სიაშიც არ იყო. „მადონა ეშტონის მხარეს არის. ის კატჩერს აღმერთებს და მიაჩნია, რომ სწორედ მას აქვს ბრწყინვალე კარიერა და არა—დემის. მადონას ეშტონის კამპანიაში ყოფნა მოსწონს, რადგან იგი სიმპათიური და მხიარულია“, - უამბეს „Radar Online“-ს. თვითმხილველების თქმით, თავად მადონას წვეულებაზე დაპატიჟებული სტუმრებიც ძალიან გაკვირვებულნი დარჩნენ, როდესაც საღამოზე კატჩერი გამოცხადდა, ხოლო მისი ყოფილი ცოლი არა. მომღერლის წვეულებას ასევე ესწრებოდნენ: ჯონ ტრავოლტა, ბრედლი კუპერი, ჩენინგ ტატუმი, რაიან გოსლინგი, ევა მენდესი და 2013 წლის „ოსკაროსანი“ მსახიობები დენიელ დეი ლიუსი და ენ ჰეთეუეი.