"შეყვარებულის საქციელი მაშფოთებს..."

ეკა, 18 წლის:"გამარჯობა. თქვენი რჩევა მჭირდება. მყავს შეყვარებული, რომელსაც მთელი წელია, ვხვდები და ძალიან შევეჩვიე. ჩვენს ურთიერთობაში თითქოს, ყველაფერი რიგზეა, მაგრამ ამავდროულად, რაღაც ცუდიც ხდება.
რას ვგულისხმობ? - მე ჩემი მეგობრები, დაიკო, დედა გავაცანი. მინდოდა შინ მიმეყვანა და მამასთვისაც წარმედგინა, როგორც ჩემი საქმრო, მაგრამ არ წამომყვა. მაშფოთებს ის ფაქტი, რომ არ სურს, მის მეგობრებს ვიცნობდე.

როცა სტუმრად მიდის, არასდროს მეუბნება, - შენც წამოდიო, სამაგიეროდ, მე ყველგან თან დამყვება. მთელ დროს მარტონი ვატარებთ, ხან ჩემთან, სახლში, ხან რომელიმე პარკში, კაფეში... ასე მგონია, ჩემთან დროებითი ურთიერთობა სურს და ამიტომაც იცავს დისტანციას.

ხომ არ ჯობია, ასეთ ადამიანთან ურთიერთობას მოვერიდო? თქვენი აზრით, ასეთი კაცი სანდოა? რჩევებისთვის წინასწარ გიხდით მადლობას".

ჟურნალი "გზა"