ტესტი - მზად ხართ თუ არა სერიოზული ურთიერთობებისთვის?

რა თქმა უნდა, ყველა ჩვენგანს სურს, საყვარელ ადამიანთან ურთიერთობა სერიოზული და ღრმა იყოს. მაგრამ ხშირად გათხოვილი ქალებიც კი არ აღმოჩნდებიან ხოლმე მზად ამ სურვილის ასრულებისთვის და არავისთან აღიარებენ. არადა ოჯახური უთანხმოებების მიზეზი დაქორწინებულებში და პარტიორის პოვნის პრობლემა დასაოჯახებლისთვის ხშირად სწორედ ასეთი - სირაქლემას - პოზიციაა. შესაბამისად, ფსიქოლოგებმა ამ საკითხთან დაკავშირებითაც შექმნეს ტესტი, რომელიც, მათი აზრით გაგვცემს პასუხს კითხვაზე: ვართ თუ არა სერიოზული ურთიერთობებისთვის. წაიკიხეთ ტესტის თითოეული პუნქტი, დაფიქრდით და გაეცით პასუხი, ჩაინიშნეთ ქულა, რომელიც თქვენს პასუხს შეესაბამება. (იხ. მითითება ქვემოთ)

ტესტის კითხვები:
1. ამ ურთიერთობაზე დიდ იმედს ვამყარებ.
2. საკმარის დროს ვატარებთ ერთად, და საკმარისს – ცალცალკე.
3. ჩემი პარტნიორი ცდილობს, ჩემი მოსაზრება გაიგოს მაშინაც, როცა არ მეთანხმება.
4. საქორწინო აღთქმა ჩემთვის, მართლაც, ძალიან მნიშვნელოვანია .
5. ჩვენი აზრი ცხოვრებაზე ბევრ რამეში თანხვდება ერთმანეთს.
6. ოჯახი და მეგობრები თვლიან, რომ ჩემი პარტნიორი შემეფერება.
7. ისეთი პრინციპული ნაკლი არაფერია, რისი შეცვლაც უცილობლად მინდა ჩემს პარტნიორში.
8. დარწმუნებული ვარ, რომ ამჯერად არ დავუშვებ იმ შეცდომებს, რომლებიც ადრე დავუშვი.
9. ჩვენ მოვილაპარაკეთ, გვინდა თუ არა შვილები.
10. ხშირად სიყვარულით ვფიქრობ ჩემს პარტნიორზე, როცა ერთად არ ვართ.
11. არ ვაჩქარებ ურთიერთობების გაფორმების საკითხში.
12. მაწყობს ჩვენი სქესობრივი ურთიერთობის სიხშირეცა და ხასიათიც.
13. ჩემი პარტნიორი ჩვენს ურთიერთობას ხშირად აყენებს სხვა რამეზე წინ.
14. იმ რომანებში, რომლებიც მქონია, ეს – საუკეთესოა.
15. დარწმუნებული ვარ, რომ მისთვისაც ისევე ძვირფასი ვარ, როგორიც ის არის ჩემთვის.
16. არ მაღელვებს, როგორ ექცევა ჩემი პარტნიორი ფულს.
17. კმაყოფილი ვარ იმით,თუ  როგორ გამოხატავს ჩემს მიმართ თავის გრძნობებს.
18. ჩვენი მომავალი ურთიერთობის გზაზე სერიოზული პრობლემების შიში არა მაქვს.
19. მე ძალიან დიდ პატივს ვცემ ჩემს პარტნიორს და ვიცი, რომ შემიძლია, სრულიად ვენდო.
20. ჩვენ კარგად ვახერხებთ უთანხმოების გადალახვას.
21. ჩემთვის ადვილი იქნება, ვიყო მისი ერთგული.
22. არ გვაქვს ისეთი სერიოზული კონფლიქტები, რომ ჩვენს მომავალს ემუქრებოდეს.
23. ჩვენ ვიცით, რომ ჩვენი გრძნობების განხილვა და ანალიზი ძალიან მნიშვნელოვანია და ამას ყოველგვარი მორიდების გარეშე ვაკეთებთ.
24. კარგად გამოგვდის სამსახურის ცხოვრების სხვა ასპექტებთან შეთავსება. 
25. ერთად ნებისმიერ ცხოვრებისეულ კრიზისს გავუმკლავდებით. 

ტესტის შედეგები:

ჩაიწერეთ ქულები პასუხებისთვის:
1 – სრულიად ვეთანხმები;
2 – ვეთანხმები;
3 – მიძნელდება პასუხის გაცემა;
4 – არ ვეთანხმები;
5 – სრულიად არ ვეთანხმები.

დააჯამეთ ქულები. ქულების სიმცირე თავსებადობის მაღალ მაჩვენებელზე მიუთითებს, აჩვენებს, რომ მზადა ხართ ურთიერთვალდებულებებისთვის. მაღალი ქულა კითხვებზე 4, 15 და 19 შესაძლოა, ისეთ სფეროებზე მიუთითებდეს, რომელთაც მეტი ყურადღება უნდა დაუთმოთ.

25-60:
უკვე კარგად გიფიქრიად თქვენი ურთიერთობის რეალურობაზე; იცით, სად შეიძლება გაჩნდეს პრობლემა და მზადა ხართ სიძნელეების გადალახვისთვის. კარგი დასაწყისია.

61-85:
ურთიერთობის სიღრმეში ერთგვარი გაურკვევლობა დევს. ყურადღება მიაქციეთ იმ კითხვებს, რომელთა პასუხებმა მაღალი ქულა მიიღეს – დაფიქრდით, როგორ შეძლებთ ამ სფეროებში დამალული პრობლემებისთვის თავის არიდებას ერთობლივი ძალისხმევით.

86-125:
ასეთი შედეგი აჩვენებს, რომ თქვენ, როგორც ჩანს, უკმაყოფილო თქვენი ურთიერთობის ბევრი ასპექტით ხართ. პარტნიორთან ერთად მოიფიქრეთ ამ ნაკლოვანების გამოსწორების გზები. კონსულტანტთან მისვლაც არ იქნება ზედმეტი.

მასალა მოამზადა სოფიო გულიაშვილმა