ვარსკვლავები, რომლებმაც "ოსკარის" წინ პლასტიკა გაიკეთეს

"ოსკარის" გადაცემის ცერემონიისთვის მსახიობები ცდილობენ, იდეალურად გამოიყურებოდნენ. ამისთვის ისინი ყველაფერზე მიდიან: ძვირფას სამოსს და სამკაულებს იძენენ, საუკეთესო დალაქებს, სტილისტებს და პლასტიკურ ქირურგებსაც კი მიმართავენ.

ამერიკელმა პლასტიკურმა ქირურგმა ენტონი იუნმა ჰოლივუდის ვარსკვლავების გარეგნობა შეაფასა და იმ მსახიობთა შესახებ ისაუბრა, ვინც ცერემონიალის წინ მის კოლეგებს მიმართა.

"ნაომი უოტსი შესანიშნავად გამოიყურება! სავარაუდოდ, მან შუბლზე ბოტოქსი გაიკეთა, მაგრამ სამუშაო შესანიშნავადაა შესრულებული, იგი ბუნებრივად გამოიყურება",- აფასებს 44 წლის მსახიობს ქირურგი.



ექიმის თქმით, ანალოგიური გზით დროის შეჩერებას სანდრა ბალოკი და ნიკოლ კიდმანიც შეეცადნენ. კიდმანმა ტუჩების გარშემო ნაოჭების კორექტირებაც კი გაიკეთა. "ეს აშკარაა, რადგან მას უძრავი მიმიკა აქვს",- დასძენს ქირურგი.



სპეციალისტის თქმით, 68 წლის მაიკლ დუგლასმა სახე დაიჭიმა, მისი პირი და ყბა ასაკთან შეუფერებლად გამოიყურება.



"ჯონ ტრავოლტას თმის ზრდის ხაზი "გადანაცვლებული" აქვს, როგორც ჩანს, მან თმა გადაინერგა",- ვარაუდობს დოქტორ იუნი.



"ჯენიფერ ჰადსონის ფუმფულა ფორმები აშკარად ხელოვნურია. მან წონაში ძალიან დაიკლო, მაგრამ მკერდზე ეს არ ასახულა, როგორც ჩანს, საქმე პლასტიკაშია, მას იმპლანტანტები აქვს",- აღნიშნავს იუნი.



"70 წლის ბარბარა სტრეიზანდი უწინდებურად ლამაზია!  მას კარგი პლასტიკა, მათ შორის ლოყებში ცხიმის ინექცია და სახის გადაჭიმვა აქვს გაკეთებული",-ამბობს სპეციალისტი.



რენე ზელვეგერის გაყინული სახე კი საზოგადოების განხილვის საგანია. როგორც ჩანს, მას ბევრი ბოტოქსი მოუვიდა.



მომზადებულია Radaronline-ის მიხედვით.