ადელი - მამის ტკივილი
ადელის მამა, მარკ ევანსი უშედეგოდ ცდილობს თავის პოპულარულ შვილთან ურთიერთობის აღდენას. ევანსის თქმით, მომღერალი
2012 წლის ოჯახურ კონფლიქტის შემდეგ აღარ ელაპარაკება. ადელი ევანსს თავის ვაჟიშვილსაც არ აჩვენებს, რომელიც ოქტომბერში საიმონ კონეცკისგან გაუჩნდა.
“მე არ ვარ დაინტერესებული მისი პოპულარობით და ფულით. მინდა, შვილი დამიბრუნდეს და მისთვის ვიყო კარგი მამა“, - Daily Mail-თან გამოთქვა თავისი გულისტკივილი 49 წლის მარკ ევანსმა.
ბრიტანელი მომღერალი 3 წლისაც არ იყო, მამამისმა დედამისი რომ მიატოვა. სწრაფად მოპოვებული პოპულარობის გამო ალკოჰოლიკმა მამამ შვილთან დაკავშირება გადაწყვიტა.
“ყოველდღე 2 ლიტრ არაყს და 3-4 ლიტრ ლუდს ვსვამდი. მხოლოდ ღმერთმა იცის, იმ პერიოდში როგორ მიჭირდა, ძალიან მრცხვენია ამის გამო და განვიცდი, ჩემს შვილთან ალკოჰოლის გამო კონტაქტი რომ დავკარგე“, -ნანობს მომღერლის მამა.
თუმცა, როგორც ჩანს, ადელი მამის პატიებას არ აპირებს. მისი თქმით, მამასთან 10 წლის ასაკიდან შეხება აღარ ჰქონია და არც ახლა უნდა მისი ნახვა.
მარკ ევანსი თავის დადანაშაულებას კვლავ განაგრძობს და ამბობს, რომ თუკი როდესმე ადელს მამაკაცებთან ურთიერთობის პრობლემა ჰქონია, ეს მხოლოდ იმის ბრალია, რომ მომღერალი 3 წლის ასაკში მიატოვა.
