ბაჩო ახალაიამ მერაბ სეფაშვილსა და ნიკა არაბიძეს იარაღები აჩუქა

საქართველოს თავდაცვისა და უსაფრთხოების კომიტეტეტის თავმჯდომარის, ირაკლი სესიაშვილის ინფორმაციით, 2009-2012 წლებში თავდაცვის სამინისტროს მიერ ჯილდოს სახით გაცემულია დაახლოებით 756.307 ლარის ღირებულების, 161 ერთეული სამოქალაქო და სამსახურეობრივ-საშტატო იარაღი. სესიაშვილის თქმით, თავდაცვის მინისტრის ბრძანებებით ფიზიკურ პირებზე ჯილდოდ გადაცემულია 31 ერთეული იარაღი. აქედან, 29 ერთეულის ღირებულება შეადგენს 132.182 ლარს.

კერძოდ, იარაღით დაჯილდოებული არიან: აკაკი მინაშვილი; ნუგზარ წიკლაური; ზაზა გოროზია; ლაშა მაქაცარია; გურამ მისაბიშვილი; ხათუნა კალმახელიძე; თემურ იაკობაშვილი; ალექსანდრე ქობალია; ლევან ქარდავა; მეგის ქარდავა; მომღერალი მერაბ სეფაშვილი; სამაუწყებლო კომპანია "რუსთავი 2"-ის გასართობი პროგრამა "შაბათის შოუ"-ს სცენარისტი-მსახიობი ვახტანგ ბიჭიკაშვილი, სამაუწყებლო კომპანია "რუსთავი 2"-ის გასართობი პროგრამა "შაბათის შოუ"-ს სცენარისტი-მსახიობი ნიკოლოზ არაბიძე.

ირაკლი სესიაშვილი ასევე აქვეყნებს 2008-2012 წლებში თავდაცვის სამინისტროს მიერ შესყიდული 10 ძვირადღირებული ავტომობილების სიას, რომელთა მთლიანი ოდენობა 1 537 313 ლარს შეადგინს. ამ ავტომობილების ფასის მინიმალური ოდენობა 77 682 ლარს შეადგენს, ხოლო მაქსიმალური - 442 183 ლარს.

სესიაშვილის ინფორმაციით, ფულადი პრემიით დაჯილდოების შესახებ თავდაცვის მინისტრისა და გაერთიანებული შტაბის მეთაურის მიერ 2009 წლის სექტემბრიდან 2012 წლის ოქტომბრის თვის ჩათვლით, გამოცემულია 649 ბრძანება, მათ შორის გრიფით "საიდუმლო" 519 ბრძანება. სესიაშვილის განცხადებით, აღნიშნული პერიოდის განმავლობაში ფულადი პრემიის სახით გაცემულია 41.164.059 ლარი, მათ შორის გრიფით საიდუმლო" ბრძანებებით - 18.607.981 ლარი.

მისივე თქმით, ამ პერიოდში გენერალური შტაბის უფროსმა დევი ჭანკოტაძემ პრემიის სახით მიიღო 267, 130 ლარი, ხოლო მისმა მოადგილემ გიორგი კალანდაძემ - 203, 664 ლარი.

მისივე ინფორმაციით, 2012 წლის 3-11 ოქტომბრის პერიოდში, 10 დღეში, ფაქტობრივად ხელისუფლების გადაბარების რეჟიმში, თავდაცვის მინისტრის ბრძანების საფუძველზე დარიცხული იქნა 538.534 ლარის ოდენობის, ხოლო გაერთიანებული შტაბის უფროსის ბრძანებით 200.000 ლარის ოდენობის პრემია;
"აღნიშნულ პერიოდში თავდაცვის ყოფილი მინისტრის, დიმიტრი შაშკინის მიერ გამოცემული, ოქტომბრის თვის გრიფით "საიდუმლო" ბრძანებებით, პრემიები ძირითადად დაერიცხათ სამინისტროს სამოქალაქო ოფისის იმ თანამშრომლებს, რომლებიც დანიშნულნი იყვნენ 2012 წლის 5 ივლისის შემდგომ, დ. შაშკინის მინისტრობის პერიოდში. მაგალითად: მინისტრის მოადგილემ კოკა სეფერთელაძემ მიიღო 12,500 ლარის ოდენობის პრემია, ასევე მინისტრის მოადგილემ მაია სიფრაშვილმა 7,344 ლარის პრემია, გენერალურის ინსპექციის უფროსმა ირაკლი ანდრიაშვილმა პრემიის სახიით მიიღო - 15 000 ლარი, სვიმონ მასხარაშვილმა კი 2011-2012 წლებში ასევე პრემიის სახით 40 100 ლარი მიიღო", - განაცხადა სესიაშვილმა.

"ინტერპრესნიუსი"