ლედი გაგა განქორწინებების წინააღმდეგია

მომღერალმა ერთ-ერთ ინტერვიუში განაცხადა, რომ განქორწინებას არასოდეს განიხილავს, როგორც გამოსავალს რთული სიტუაციიდან, რადგან სჯერა, რომ ქორწინება მთელი ცხოვრებით უნდა აკავშირებდეს ორ ადამიანს. მისთვის საუკეთესო მაგალითი ბებია და ბაბუაა, რომელთაც მთელი ცხოვრება ერთად გაატარეს.

"ბებია და ბაბუა 60 წლის წინ დაქორწინდნენ. ჩემი მშობლები უკვე 30 წელია, ერთად არიან. მე ვხედავდი, როგორ არ ყრიდნენ ფარ-ხმალს ჩემი მშობლები. იყო დრო, როცა მეგონა, რომ დედა და მამა დაშორდებოდნენ, მაგრამ ისინი არ ნებდებოდნენ და იბრძოდნენ, რომ ყველაფრის მიუხედავად, ერთად ყოფილიყვნენ... მათ გაუძლეს და ახლა იმაზე მეტად უყვართ ერთმანეთი, ვიდრე ოდესმე. აი, რა მინდა მეც. განქორწინება - ეს გამოსავალი არ არის. თუ გავთხოვდები, მხოლოდ მთელი ცხოვრებით და მხოლოდ მას მერე, როცა ვიპოვი ისეთ ადამიანს, რომელიც იგივე აზრზე იქნება".

შეგახსენებთ, ამჟამად გაგა მსახიობ ტეილორ კინის ხვდება.