მარტივი ვარჯიშები სხეულის გასამკვრივებლად

ყველა ქალი ოცნებობს ლამაზ ფიგურაზე.

ჰოლივუდის ვარსკვლავების ფიტნეს ინსტრუქტორი და პოპულარული მოდელების მწვრთნელი მეთ ტოუნსენდი ქალბატონებს სხეულის გასამკვრივებლად მარტივ ვარჯიშებს სთავაზობს.

1. გაიმართეთ. ფეხები ოდნავ განზე გასწიეთ და ხელები წინ გამართეთ. ნელა დაიხარეთ იატაკისკენ, ბარძაყები იატაკის პარალელურად უნდა იყოს. ასეთ მდგომარეობაში 3 წუთით გაჩერდით და შემდეგ პირვანდელ მდგომარეობას დაუბრუნდით. მიაქციეთ ყურადღება, რომ მუხლების მოხრისას არ დადგეთ ფეხის თითებზე.

ამ ვარჯიშის ძირითადი დატვირთვა ფეხის კუნთზე მოდის. სწორედ ამიტომაა მნიშვნელოვანი, იატაკისკენ სწორად დაიხაროთ, წინ ზედმეტად არ გადაიზნიქოთ და დატვირთვა იატაკზე მყარად მდგარ ტერფებზე გადაიტანოთ. სჯობს ეს ვარჯიში ნელა, მაგრამ სწორად შეასრულოთ.

2. ფეხები ერთმანეთს მიატყუპეთ და ხელში დაიჭირეთ ისეთი ნივთი, რომელიც მძიმეა. ზურგში გაიმართეთ. შემდეგ ძალიან ნელა გადაიხარეთ წინ, პარალელურად ერთი ფეხი უკან გასწიეთ. მეორე ფეხით მყარად უნდა იდგეთ იატაკზე და მუხლი ოდნავ მოხაროთ. უკან გაწეული ფეხი და ზურგი ერთ სიგრძეზე უნდა იყოს. შეჩერდით რამდენიმე წამი და ისევ გაიმართეთ.

ამ ვარჯიშით მიიღებთ მოხდენილ პრესს. ის რამდენჯერმე მხოლოდ ერთი ფეხისთვის გააკეთეთ, შემდეგ შეისვენეთ და მეორე ფეხზე გადადით.



3. დაწექით ზურგზე და მუხლები მოხარეთ. მუხლებს შორის მოათავსეთ ბურთი. შემდეგ ძალა დაატანეთ ბარძაყს და ფეხი რაც შეიძლება მაღლა ასწიეთ, ოღონდ ისე, რომ ბურთი არ ჩამოვარდეს. ეს ვარჯიში მოხდენილი თეძოსთვისაა.

4. ფეხები განზე გასწიეთ. ხელები წინ გაშალეთ. ჩაიცუცქეთ მარჯვენა ბარძაყზე და ფეხის თითს დაეყრდენით, მარცხენა ფეხი კი გვერდზე გაშალეთ და გამართეთ. იატაკისკენ რაც შეიძლება დაბლა უნდა დაიხაროთ.

ფოტოსურათზე აღბეჭდილ პოზაში 3 წუთით უნდა გაჩერდეთ. შემდეგ საწყის პოზიციაზე დაბრუნდით და იგივე მოძრაობა მეორე მხარეს გააკეთეთ.



5. ამ ვარჯიშისთვის ისევ ბურთი დაგჭირდებათ. ბურთი თქვენ ზურგსა და კედელს შორის მოაქციეთ. შემდეგ დაბლა ისე დაიხარეთ, რომ თეძოები იატაკის პარალელური გახდეს. არ დაგავიწყდეთ, მთელი ამ ვარჯიშის განმავლობაში ბურთი ძირს არ უნდა ჩავარდეს.

ეს ვარჯიშები ზედმეტი კალორიების დაწვასა და ფიგურის გალამაზებაში დაგეხმარებათ.

მომზადებულია dailymail.co.uk-ის მიხედვით.