ვის სასარგებლოდ დამთავრდება ქეით მიდლტონსა და დედოფალ ელისაბედ II-ს შორის გამართული ბრძოლა?
ბრიტანეთის სამეფოში ყველაფერი მშვიდად არ არის: ქეით მიდლტონსა და დედოფალ ელიზაბეტ II-ს შორის პირველი დიდი გაუგებრობა მოხდა.
დასავლური ტაბლოიდები აცხადებენ, რომ ამის მიზეზი გახდა საკითხი, ვინ იქნება ტახტის მომავალი მემკვიდრის ნათლია.
ონლაინ-გამოცემა The ShowbizSpy იუწყება, რომ ქეით მიდლტონი გაცხარდა იმის გამო, რომ დედოფალმა აკრძალა ნათლიების როლში ქეითის და-ძმის - პიპასა და ჯეიმს მიდლტონების მოწვევა.
ქეითი ცდილობს, გააპროტესტოს ელიზაბეტის გადაწყვეტილება, მაგრამ სასახლესთან დაახლოებული პირის ცნობით, ის ბრძოლას უეჭველი წააგებს.
ქეითის უბედურება იმაშია, რომ რკინის მოხუცთან ბრძოლას ის მარტო ეწევა: პრინცი უილიამი ბებიის გავლენის ქვეშ არის მოქცეული და მზად არ არის, მეუღლეს გვერდში დაუდგეს ისეთ საკითხში, როგორიც არის ბრიტანეთის ტახტის მემკვიდრის ნათლობა. "უილიამი ბებიის ქუსლის ქვეშ არის მოქცეული, რაც ძალიან აღიზიანებს ქეით მიდლტონს. ის თავს მარტოდ და უძლურად გრძნობს", - აცხადებს წყვილის ახლო მეგობარი.
ამავე დროს, ბუკინგემის სასახლის ბიოგრაფები და ისტორიკოსები დარწმუნებულები არიან, რომ ქეითს წინ ნამდვილი ბრძოლა ელოდება: სავარაუდოდ, მას ბავშვისთვის სახელის დარქმევის უფლებასაც არ მისცემენ და მის აღზრდასაც არ დაანებებენ.
