ცეცხლის ნიშნებისთვის კარგი პერიოდი 22 ივლისიდან დაიწყება

18-24 ივლისის პროგნოზი

19 ივლისს ახალმთვარეობაა. ამ დღეს არ არის სასურველი ახალი საქმის დაწყება, საბუთების გაფორმება და მნიშვნელოვანი გადაწყვეტილებების მიღება.

22 ივლისს მზე ლომის ზოდიაქოში გადაინაცვლებს და ცეცხლის სტიქიით დაბადებული ნიშნებისთვის შედარებით სასიკეთო პერიოდი დაიწყება.

ვერძი - შესაძლოა, მიიღოთ მეტად მნიშვნელოვანი შემოთავაზება ან გაგიჩნდეთ ორიგინალური იდეა, რომლის განხორციელება თქვენს პროფესიულ საქმიანობაზე და, შესაბამისად, შემოსავალზე სასიკეთოდ აისახება.

პოზიტიური დღეები: 20, 24 ივლისი. ნეგატიური დღეები: 19, 22 ივლისი.

კურო - სადმე მოგზაურობა გუნებას გამოგიკეთებთ. ახალი სივრცე და ურთიერთობები გაბედული მოქმედებებისკენ გიბიძგებთ. ყურადღება მიაქციეთ ჯანმრთელობას, განსაკუთრებით - ნერვულ სისტემას და მხედველობას.

პოზიტიური დღეები: 18, 22 ივლისი. ნეგატიური დღეები: 20, 24 ივლისი.

ტყუპი - მიღებული ინფორმაცია დაგეხმარებათ, წარმატებას მიაღწიოთ პროფესიულ საქმიანობაში, განსაკუთრებით - ჟურნალისტიკასა და ლიტერატურაში.

პოზიტიური დღეები: 20, 24 ივლისი. ნეგატიური დღეები: 22, 23 ივლისი.

კირჩხიბი - მზე დატოვებს თქვენს ზოდიაქოს. ამიტომ შედარებით შემცირდება თქვენი შრომისუნარიანობა და მიზანსწრაფვა. მოერიდეთ ადამიანებთან დაპირისპირებას და სიფრთხილე გამოიჩინეთ ხალხმრავალ ადგილებში ყოფნისას.

პოზიტიური დღეები: 18, 23 ივლისი. ნეგატიური დღეები: 21, 24 ივლისი.

ლომი - მზე თქვენს ზოდიაქოში გადაინაცვლებს. შედეგად მოიმატებს თქვენი ენერგიულობა და ამბიციურობა. აქტიურად დაიწყეთ მნიშვნელოვანი საკითხების მოგვარება.

პოზიტიური დღეები: 20, 21 ივლისი. ნეგატიური დღეები: 18, 23 ივლისი.

ქალწული - საჯაროდ ნუ ილაპარაკებთ საკუთარ გეგმებზე. მოერიდეთ ხელმძღვანელებისა და გავლენიანი ადამიანების კრიტიკას, უსიამოვნო ვითარებაში რომ არ აღმოჩნდეთ.

პოზიტიური დღეები: 18, 23 ივლისი. ნეგატიური დღეები: 21, 24 ივლისი.

სასწორი - არ არის გამორიცხული, მერყეობამ სერიოზული სირთულეები შეგიქმნათ. ამიტომ დიდი ხნით ნუ გადადებთ გადაწყვეტილების მიღებას. რჩევისთვის კი ახლობელ და გამოცდილ ადამიანებს მიმართეთ.

პოზიტიური დღეები: 21, 24 ივლისი. ნეგატიური დღეები: 18, 23 ივლისი.

მორიელი - იზრუნეთ კვალიფიკაციის ასამაღლებლად და კარიერაში წინსვლა არ დააყოვნებს. ნუ დაიკისრებთ ზედმეტ პასუხისმგებლობას, შეცდომები რომ არ დაუშვათ.

პოზიტიური დღეები: 19, 22 ივლისი. ნეგატიური დღეები: 20, 24 ივლისი.

მშვილდოსანი - მოიმატებს საჩუქრის მიღების ალბათობა. თუმცა სიფრთხილეს ნუ დაკარგავთ - მოერიდეთ სარისკო ფინანსურ ოპერაციებს, ხოლო უძრავი ქონების შეძენისას სპეციალისტის აზრი გაითვალისწინეთ.

პოზიტიური დღეები: 20, 21 ივლისი. ნეგატიური დღეები: 19, 23 ივლისი.

თხის რქა - ამ პერიოდში სარგებელს მოგიტანთ თქვენი საქმიანობის რეკლამირება - განვითარებული მოვლენები დაგეხმარებათ, ბევრ ადამიანს გააცნოთ თქვენი პიროვნება. ასე რომ, თამამად იმოქმედეთ.

პოზიტიური დღეები: 19, 23 ივლისი. ნეგატიური დღეები: 18, 21 ივლისი.

მერწყული - მოგიწევთ, უფრო მეტი ყურადღება დაუთმოთ სამსახურს, კარიერას და საზოგადოებრივ ცხოვრებას. შესაძლოა, თქვენი დახმარება დასჭირდეთ სხვა ადამიანებს. გულისხმიერება გამოიჩინეთ ხანდაზმულთა მიმართ.

პოზიტიური დღეები: 18, 21 ივლისი. ნეგატიური დღეები: 19, 23 ივლისი.

თევზები - გააქტიურდება ოჯახთან დაკავშირებული საკითხები - ეს შეიძლება იყოს ოჯახის წევრთა პრობლემები, საცხოვრებელი ადგილის შეცვლა ან ბინის რემონტი. ფინანსების ხარჯვისას მეტი წინდახედულება გამოიჩინეთ.

პოზიტიური დღეები: 19, 23 ივლისი. ნეგატიური დღეები: 21, 24 ივლისი. 

ასტროლოგი რამაზ გიგაური
გაზეთი ”ყველა სიახლე”