ქეთი თოფურია ინტერვიუზე საქმროსთან ერთად მივიდა

დიდხანს ვრცელდებოდა ჭორები იმის შესახებ, რომ ქეთი თოფურიას სასიყვარულო რომანი აქვს ვინმე ბიზნესმენ ლევანთან. ამას წინათ კი, გავრცელდა ინფორმაცია, რომ ის ცოლად გაჰყვა კიდეც მას. თავად ქეთი ამ ჭორებს კომენტარის გარეშე ტოვებდა. ახლა მან გადაწყვიტა ინტერვიუში სიმართლის თქმა. უფრო მეტიც, ჟურნალისტებთან სასაუბროდ, ის თავის მეგობართან ლევ გეიხმანთან ერთად მივიდა.
თავდაპირველად მომღერალმა განმარტა, თუ რატომ დუმდა ამდენ ხანს და რატომ ეგუებოდა ჭორებს: " მე ვფიქრობ, რომ პირადი ცხოვრება პუბლიკას არ ეკუთვნის. საქართველოში ამბობენ: ნამდვილ სიყვარულს მალვა უნდაო. ჩვენც ვმალავდით. მაგრამ, როგორ დაიმალები...როცა მეკითხებიან:ვინ არის? რა ხდება? - მე უბრალოდ არ ვპასუხობდი, მერე კი დაიწყო: იქ არასწორმა ინფორმაციამ გაჟონა, აქ.."
შეყვარებულებმა მოკლედ ისაუბრეს საკუთარ თავზე: "მე დავიბადე და გავიზარდე მოსკოვში, დაკავებული ვარ საბანკო და საინვესტიციო ბიზნესით".
მათ ერთმანეთი მეგობრების წრეში გაიცნეს, მაგრამ შეხვედრები ერთი წლის შემდეგ დაიწყეს.
"როცა მე ის პირველად დავინახე, კინაღამ გავგიჟდი. დღემდე ჩემი გაგიჟება იზრდება. მე ის ძალიან მომწონდა მაშინაც, ის ისეთი არარეალური და ლამაზია, " - ამბობს ლევ გეიხმანი.
დეკემბრის დასაწყისში მან ქეთის ხელი სთხოვა.
"ყველა გოგო ოცნებობს იმ დღეზე, როცა მას ხელს სთხოვენ, როგორი იქნება მისი ქორწილი, საქორწილო კაბა, მაგრამ როგორც ეს ლევმა გააკეთა, მე თავში არასოდეს არ მომივიდოდა. არ შემიძლია მოვყვე, ძალიან მწყდება გული, მაგრამ ეს პრესისთვის არ არის განკუთვნილი, " - აღნიშნა ქეთიმ.
ახლა, შეყვარებულები ქორწილს გეგმავენ. "ჩვენ, ჯერ კიდევ ვდაობთ დიდი ქორწილი გადავიხადოთ თუ არა. მაინც იქეთკენ ვიხრებით, რომ ვიწრო წრეში ავღნიშნოთ. იმიტომ, რომ ჩემი მეგობრების გამოცდილებიდან გამომდინარე, ქორწილი ძალიან ჰგავს სამსახურს: ყველა ერთობა შენს გარდა. მეგობრები საკუთარ ქორწილში ჩემთან მოდიან და ამბობენ, სულელური ქორწილია, როგორ დავიღალე! არ მინდა, რომ ჩვენც იგივე გვქონდეს, მინდა, რომ დღესასწაული დამამახსოვრდეს", განაცხადა ქეთიმ.
როდის არის დანიშნული მათი ქორწილი, შეყვარებულებს არ დაუკონკრეტებიათ.