"ბრიტანულ ცენტრში" ნუკი კოშკელიშვილი სიამოვნებით სწავლობს ინგლისურს!
რაც დრო გადის, ინგლისური ენის სრულყოფილად შესწავლაზე მოთხოვნა სულ უფრო იზრდება. ზოგი ცდილობს არსებული ცოდნა გაიღრმაოს, ზოგიც უფრო მაღალი დონის მისაღწევად ისწრაფის, ზოგიც სწავლას ანბანიდან იწყებს. თუმცა, განსხვავებული მოთხოვნების მიუხედავად, ყველა ერთხმად თანხმდება იმაზე, რომ ინგლისური ენის შემსწავლელი კურსი რამდენიმე აუცილებელ პირობას უნდა აკმაყოფილებდეს - უნდა იყოს ეფექტური, მოქნილი და სწრაფი. სწორედ ამ კრიტერიუმებით შეარჩია ნუკი კოშკელიშვილმა ბრიტანული ცენტრი, სადაც ის ინგლისურ ენას ქალანის მეთოდით ეუფლება.
ნუკი კოშკელიშვილი: "ინგლისურ ენას გარკვეულ დონეზე ვფლობ. მეტიც, უნივერსიტეტი ინგლისურად მაქვს დამთავრებული, მაგრამ როგორც საკუთარ თავში ზედმეტად დარწმუნებული ბევრი ადამიანი, ვისაც ჰგონია, რომ უცხო ენა კარგად იცის და ერთ დღეს აღმოაჩენს, რომ უცხოელთან კომუნიკაციის პრობლემა აქვს, მეც ასე დამემართა. მოხდა ისე, რომ დედაჩემის უცხოელი მეგობარი იყო ჩამოსული. მასთან ურთიერთობისას მივხვდი, რომ ინგლისურად თავისუფლად საუბარი მიჭირდა. ენამ დავიწყება იცის თუ სისტემატურად საკუთარ თავზე არ მუშაობ, ან კომუნიკაცია არ გაქვს უცხოელებთან. ვეძებდი საჭირო სიტყვებს, გამონათქვამებს. აქვე მინდა ვთქვა, რომ ზოგადად ძალიან კარგი იქნება თუ საქართველოში დამკვიდრდება კულტურა, ან გნებავთ მოთხოვნა და სურვილი იმისა, რომ ადამიანი მუდმივად განვითარების, ახალი უნარებისა და ცოდნის შეძენისკენ ისწრაფვოდეს. მხოლოდ პროფესიულ განვითარებას ან უცხო ენის შესწავლას არ ვგულისხმობ. ეს შეიძლება იყოს ჯანსაღი ცხოვრების წესის დაცვა, ფიზიკური ვარჯიში ან სხვა რამ. უცხოეთში ადამიანის მრავალმხრივ განვითარებას დიდი ყურადღება ეთმობა, ჩვენთან კი სამწუხაროდ ეს მეორეხარისხოვანია. ვისწავლით რაღაცას სკოლაში, შემდეგ ინსტიტუტში და თითქოს მხოლოდ რაღაც დიპლომებისთვის და სერტიფიკატებისთვის ვცხოვრობთ, რაც არასწორია. ისიც გასაგებია, რომ თანამედროვე, დაკავებულ ადამიანს ცოტა თავისუფალი დრო აქვს და დამატებით კიდევ საშინაო დავალების შესრულება მისთვის დიდი ტვირთია. მეც სწორედ ამ დღეში ვიყავი და დიდი ხნის განმავლობაში ვეძებდი ისეთ სასწავლო ცენტრს, რომელიც მომცემდა შესაძლებლობას არ ავცდენილიყავი ჩემს სამუშაო განრიგს და თან ენის ცოდნასაც შემძენდა. ბრიტანული ცენტრი სწორედ ის აღმოჩნდა, რასაც ვეძებდი, ხოლო ქალანის მეთოდი ის, რაც მე მჭირდებოდა.
მეცადინეობა ჯგუფურია, ცენტრში მისვლისას გადიხარ გასაუბრებას, რათა შესაბამისი დონის მიხედვით მოხდეს შენი გადანაწილება ამა თუ იმ ჯგუფში. აქვე გაკვეთილზე საუბრობ, აზროვნებ ინგლისურად და სწრაფად ხდება დავიწყებული ცოდნის აღდგენა და ამავე დროს ახალი მარაგის შეძენა. ძალიან მარტივად იმახსოვრებ ამ ყველაფერს და სწორედ ამაშია ამ მეთოდის უნიკალურობა. რაც ძალიან მნიშვნელოვანი და კომფორტულია, არ გაქვს საშინაო დავალება. ყველაფერს აქ, სასწავლო ცენტრში სწავლობ.
გარდა ამისა, აქ არაჩვეულებრივი გარემოა, შეგიძლია ერთმანეთს სასარგებლო და სასიამოვნო შეუთავსო. ჩემთვის ყველაზე მოსახერხებელი იყო ბრიტანული ცენტრის იმ ფილიალში მევლო ინგლისური ენის შესასწავლად, რომელიც აქვე, ტელეკომპანია "იმედის" მახლობლად, წმინდა ნიკოლოზის სახელობის სკოლის შენობაში მდებარეობს. აქ კი მეცადინეობის შემდეგ შეგიძლია დაღლილობა აუზში ცურვით მოიხსნა. თუმცა, ბრიტანულ ცენტრს ქალაქის მასშტაბით ყველა ცენტრალურ უბანში აქვს ფილიალი, შესაბამისად, ყველას შეუძლია შეარჩიოს მისთვის მოსახერხებელი ადგილი.
- დატვირთული სამუშაო გრაფიკი გაქვს, როგორ ახერხებ დრო სწავლისთვისაც გამონახო?
- აქ გაკვეთილები ტარდება 9-საათიდან საღამოს 9-საათამდე. ასეთი განრიგი ძალიან მოსახერხებელია დაკავებული ადამიანისთვის. შეგიძლია მეცადინეობის დრო შენს სამუშაო გრაფიკს მოარგო. 21-ე საუკუნეში ინგლისური ყველაზე საჭირო და აუცილებელი ენაა, ხოლო გარემო და შესაძლებლობები, რომელსაც ეს ცენტრი გვაძლევს ყველაზე ხელსაყრელი და საუკეთესო, სწორედ 21-ე საუკუნის ცენტრია.
მინდა ერთი ამბავიც გითხრათ, რამაც ამ ცენტრში მოსვლისკენ მიბიძგა. ბრიტანული ცენტრის არსებობის შესახებ პირველად მაშინ გავიგე, როცა გადაცემა "ყოფილი ცოლების კლუბი" მიმყავდა. ჩვენი გადაცემის ერთ-ერთმა გმირმა მაშინ სურვილი გამოთქვა, რომ ინგლისური ენა ესწავლა და სწორედ ამ ცენტრმა მისცა ამის შესაძლებლობა. ყველა გაოცებული დავრჩით ისე სწრაფად ალაპარაკდა ეს ახალგაზრდა ქალი ინგლისურად, ფაქტობრივად რამდენიმე თვეში. როცა გადავწყვიტე ენის ცოდნა აღმედგინა და გამეღრმავებინა, მაშინვე ეს ცენტრი გამახსენდა. გადავწყვიტე უფრო ახლოს გამეცნო მათი პირობები და ქალანის მეთოდის თავისებურებანი. აღმოჩნდა, რომ ამ მეთოდით ადამიანი ოთხჯერ უფრო სწრაფად და ეფექტურად სწავლობს ენას. ჩვენს დროში კი ყოველი წამი მნიშვნელოვანია, რადგან დრო არ იცდის. ამიტომ, აქ ჩემთვის ყველაზე მისაღები პირობები აღმოვაჩინე".
აღსანიშნავია, რომ ბრიტანული ცენტრი ქალანის მეთოდის ორგანიზაციის (ცმო) მიერ პირველი აკრედიტირებული სკოლაა საქართველოში, რაც მისი ოფიციალური აღიარების დოკუმენტია. ქალანის მეთოდით სწავლებისას, მსმენელს უყალიბდება ინგლისურ ენაზე აზროვნების და გამართულად მეტყველების უნარი. გარდა ამისა, თავად სწავლის პროცესი დინამიკური და სასიამოვნოა. ინგლისური ენის შესწავლის ეს უნიკალური მეთოდი უკვე რამდენიმე ათეული წელია რაც არსებობს და პოპულარულია მთელ მსოფლიოში და არნახული პოპულარობით სარგებლობს ყველა ასაკის ადამიანში. ქალანის მეთოდით სწავლებისას, მსმენელი მაქსიმალურად არის ჩართული სწავლების პროცესში. გაკვეთილზე მთელი ყურადღება გადატანილია მსმენელზე. იქმნება სპეციალური გარემო იმისათვის, რომ მსმენელმა რაც შეიძლება მეტი ილაპარაკოს ინგლისურად. ამისათვის მასწავლებელი სვამს კითხვათა სერიას, რითაც ხდება მსმენელის მეხსიერების სტიმულირება. ქალანის მეთოდი ნაბიჯ-ნაბიჯ უზრუნველყოფს მსმენელის გრამატიკული და ლექსიკური ცოდნის ამაღლებას.
ნუკისთან საუბრის შემდეგ "ბრიტანულ ცენტრს" ვესტუმრეთ და მიმდინარე სიახლეებზე ბრიტანული ცენტრის დირექტორს პიარის დარგში, დაკო ლომიძეს გავესაუბრეთ.
- უკვე 10 წელია, რაც "ბრიტანულ ცენტრში" ინგლისურ ენას ქალანის მეთოდით ასწავლიან მსმენელებს. კიდევ რა სიახლეები დანერგა "ბრიტანულმა ცენტრმა"?
- ეს საკმაოდ პოპულარული და უნიკალური მეთოდია. მოგეხსენებათ, რომ ბრიტანულმა ცენტრმა მიიღო აკრედიტაცია ლონდონის ქალანის ორგანიზაციის მიერ. 2012 წელს ქალანის ორგანიზაციამ გამოსცა განახლებული სახელმძღვანელოები, რომელიც აღჭურვილია თანამედროვე ლექსიკით და კიდევ უფრო საფუძვლიანი ცოდნის მიღების შესაძლებლობას იძლება.
- როგორც ვიცი, ახალი საბავშვო პროგრამა გაქვთ, კემბრიჯის ახალი მეთოდი...
- ამჯერად, ბავშვებს ეძლევათ უნიკალური შანსი, შეისწავლონ ინგლისური ენა კემბრიჯის უნივერსიტეტის უახლესი მეთოდით, რომელსაც Cambridge Super minds ეწოდება. გარდა ინგლისურისა, ეს მეთოდი ავითარებს ბავშვის ანალიტიკური აზროვნების უნარს, კრეატიულობას და სოციალურ ღირებულებებს. სწავლის პროცესში გამოიყენება უახლესი ტექნოლოგიები, მაგალითად სმარტდაფები.
- სასიამოვნო სიახლე გაქვთ ასევე მათთვის, ვინც ინგლისურ ენაში ცოდნის მაღალ დონეს ფლობს, მაგრამ კიდევ უფრო მეტი სურს...
- ცოდნის მაღალი დონის მქონე სტუდენტებს, ანუ Advanced-დონის მსმენელებს, ვთავაზობთ სტივენ ქოლინსის სწავლების კურსს - Everyday English. ეს არის მეთოდი, რომელიც მისცემს საშუალებას მსმენელს გაიღრმავოს ცოდნა პროფესიონალურ დონემდე. ამ მეთოდის საშუალებით, ინგლისურ ენაში მაღალ დონეზე დახვეწთ სმენით უნარს, დაეუფლებით კიდევ უფრო რაფინირებულ აზროვნებასა და საუბარს დაბრკოლებების გარეშე. ამ უნიკალური მეთოდით მსმენელი მიიღებს უზარმაზარ ლექსიკურ მარაგს და ამ მარაგის დიალოგებში გამოყენების საშუალებას. ამ მეთოდით შესაძლებელია ინგლისური ენის ცოდნა უმაღლეს დონემდე იქნას აყვანილი. მისი დაუფლება შესაძლებელია
მშობლიური ენის დონეზე!
თბილისი, რუსთაველის 36; ტელ.: 2989999; 2933878
აღმაშენებლის 189, ტელ: 294-11-11; 295-22-22
ფალიაშვილის 60, ტელ: 222-19-15
პეკინის 7/9, ტელ: 233-25-57; 251-41-43
ლუბლიანას 21, ტელ.: 247-71-17
ბათუმი, იმნაძეს 2, ტელ.: 7-31-22
ქუთაისი, ტაბიძის 1, ტელ.: 24-30-17
რუსთავი, ტაშკენტის 5; ტელ.: 28-70-40
ზუგდიდი, აღმაშენებლის 18; ტელ.: 25-25-99
www.britishcentre.ge
