არნოლდ შვარცენეგერს ახალი რომანი აქვს

65 წლის არნოლდ შვარცენეგერი ქერათმიანი ქალის გარემოცვაში შენიშნეს. გაირკვა, რომ უცნობი ქალი 38 წლის ჰიზერ მილიგანი გახლავთ, რომელიც პროფესიით ფიზიოთერაპევტია და ცნობილ სპორტსმენებთან თანამშრომლობს. ცოტა ხნის წინ მსახიობი ორი ჟურნალის „Flex“-ისა და „Muscle&Fitness“-ის რედაქტორად დაინიშნა, რომელიც კულტურსტებისთვის არის განკუთვნილი. არნოლდი საავტორო რუბრიკასაც გაუძღვება და შესაძლოა, ფიზიოთერაპევტის კონსულტაცია სწორედ, მის საქმიანობას უკავშირდება. თუმცა, ფოტოების მიხედვით თუ ვიმსჯელებთ, შვარცენეგერისა და ჰიზერის შეხვედრები რომანტიკულ გარემოში მიმდინარეობს. აღსანიშნავია ისიც, რომ მათ პაემანს ერთჯერადი ხასიათი არ ჰქონია. ისინი ერთად სანტა მონიკაში რამდენჯერმე შენიშნეს. შეგახსენებთ, რომ 2011 წელს არნოლდ შვარცენეგერი ცოლს, მარია შრაივერს დაშორდა. ერთი თვის წინ მსახიობმა გერმანულ გაზეთთან ინტერვიუში განაცახადა, რომ ყოფილი მეუღლის დაბრუნება სურს და ის კიდევ უყვარს. როგორც ჩანს, არნოლდს ეს გრძნობა სხვა ქალებთან ურთიერთობაში ხელს სულაც არ უშლის.