დემი მურმა ეშტონ კატჩერთან გაყრა მოინდომა
ეშტონ კატჩერმა დემი მურთან გაყრა ჯერ კიდევ გასული წლის დეკემბერში მოისურვა, ხოლო სამი თვის შემდეგ მას დემიმაც მიჰბაძა და გაყრაზე საბუთები შეიტანა. ცნობილია, რომ მურმა კატჩერთან განშორება მძიმედ გადაიტანა და ძლიერმა სტრესმა მის ჯანმრთელობაზეც უარყოფითად იმოქმედა. თუმცა, როგორც ჩანს, მსახიობმა მომხდართან შეგუება მაინც შეძლო და გაყრის პროცესს საბრძოლო განწყობით შეუდგა. ვარსკვლავი იმედოვნებს, რომ განქორწინების შემდეგ, მას ქონების დიდი ნაწილი ერგება, რადგან დემის მიაჩნია, რომ ეშტონი მასთან ქორწინების შემდეგ საგრძნობლად გამდიდრდა და გაცილებით უფრო პოპულარული გახდა. აღსანიშნავია, რომ კატჩერი ამ მოსაზრებას არ ეთანხმება და ფიქრობს, რომ ყოფილი ცოლისთვის არაფერი მართებს. წყვილი იმედოვნებს, რომ ყველა საკითხს გაზაფხულისთვის მშვიდობიანად გადაწყვეტს, წინააღმდეგ შემთხვევაში სასამართლო გარჩევა გახდება საჭირო.
