სიდედრი სიძის ინფარქტისა და იმპოტენციის მიზეზია

აღმოჩნდა, რომ სიდედრთან ცხოვრება მამაკაცს გულ-სისხლძარღვთა დაავადებით, ერექციასთან დაკავშირებული პრობლემებითა და ფსიქიკის მოშლით ემუქრება.

შტატ მიჩიგანის (აშშ) ადამიანის მორფოლოგიის ინსტიტუტის მეცნიერებმა ჩაატარეს გამოკვლევა, რომელშიც 1000-ზე მეტი ახალგაზრდა მამაკაცი მონაწილეობდა. მოხალისეები ორჯერ დატესტეს: პირველად მაშინ, როცა ჯერ კიდევ უცოლოები იყვნენ, მეორედ კი – როცა დაოჯახდნენ.

გამოკითხვის შედეგებმა აჩვენა: მამაკაცების 70% ქორწინების შემდეგ ამტკიცებდა, რომ მათი ცხოვრება ბევრად უკეთესი გახდა, ხოლო 30%-ის თქმით, ყველაფერი უარესობისკენ შეიცვალა. ამ მესამედიდან თითქმის ყველა მამაკაცი სიდედრთან ერთ ჭერქვეშ ცხოვრობდა.

მკვლევარებმა დაადგინეს, რომ ახლად გამომცხვარ ქმრებს უფრო მეტი პრობლემა ჰქონდათ გულთან, სისხლძარღვებსა და პოტენციასთან დაკავშირებით, ვიდრე დანარჩენებს. ასევე, ცოლის დედასთან თანაცხოვრებას ისინი საგანგაშო მდგომარეობამდე მიჰყავდა.

საინტერესოა, რომ მეცნიერებმა ჯანმრთელობის გაუარესება არ დაუკავშირეს მამაკაცების სიდედრებთან დაძაბულ ურთიერთობას. "ამას შედეგებთან არანაირი კავშირი არ აქვს" – დარწმუნებულები არიან მკვლევარები. საქმე ისაა, რომ მამაკაცის ფსიქიკა, პრინციპში, ისეა დაპროგრამებული, რომ ცოლის დედის ყოფნის დროს ის ნერვიულობას იწყებს.

ამერიკელებმა აქვე მოიფიქრეს ტერმინიც - "სიდედრის სინდრომი". ისინი თვლიან, რომ ამ "სინდრომის" საფუძველში დევს იმ ორი ადამიანის კონფლიქტი, რომლებიც ცდილობენ, იყვნენ დომინანტები. ეს ყველაფერი კი მკაფიოდ აისახება მამაკაცის ფაქიზ ფსიქიკაზე.

წყარო