დადგება თუ არა 2012 წელს სამყაროს დასასრული?

21.12. 2012... მაგიური რიცხვი, რომელიც კაციობრიობას აფორიაქებს. რა არის ეს: დედამიწაზე სიცოცხლის დასასრული თუ ახალი ერის დასაწყისი?

მეცნიერი-ფიზიკოსები სოლ პერლმუტერი, ადამ რაისი და ბრაიან შმიდტი 2011 წლის 10 დეკემბერს ნობელის პრემიის ლაურეატები გახდნენ. 1 მლნ ევრო სტოკჰოლმში საზეიმო ვითარებაში გამარჯვებულებს თავად შვედეთის მონარქმა, კარლ გუსტავ მე-16-მ გადასცა. რა დამსახურებისთვის? მათ პირველებმა აღწერეს სამყაროს დასასრულის შესაძლო სცენარი.

დედამიწა გაიყინება?

ადრე თვლიდნენ, რომ დედამიწაზე დიდი აფეთქება მოხდება, ისეთი, როგორიც მაშინ იყო, როცა დედამიწა შეიქმნა და ახალი სამყარო დაიბადება. ნობელიანტებმა კი დაამტკიცეს, რომ დედამიწა გაიყინება: ვარსკვლავები აფეთქდება, პლანეტები კი გაიყინება.

აპოკალიფსის 7 ვერსია

კაციობრიობის არსებობის მანძილზე აპოკალიფსის რამდენიმე სცენარი დაიწერა, ნაწინასწარმეტყველებია დასასრულის რამდენიმე თარიღიც. საშინელი სამსჯავრო, უცხოპლანეტელთა შემოსევა, ეკოლოგიური კატასტროფა, ატომური აფეთქება... არც ერთი ამ ვერსიათაგანი არ გამართლებულა. მაიას ინდიელების კალენდრის მიხედვით ამა წლის 21 დეკემბერს დასრულდება მზის უკანასკნელი ეპოქა და დედამიწაზე ცხოვრება დასრულდება.

კიდევ ერთი პოპულარული "სამეცნიერო" ვერსია - პლანეტა ნიბირაზე შეჯახებაა, ეს უკანასკნელი თითქოსდა მოყვარულ ასტროლოგებს აღმოუჩენიათ. NASA-ს სპეციალისტებს ოფიციალური განცხადების გაკეთებაც კი მოუხდათ იმის შესახებ, რომ გაებათილებინათ ჭორები არმაგედონის შესახებ: "2012 წელს დედამიწას არანაირი საშიშროება არ ემუქრება". მაგრამ მაიას წინასწარმეტყველებას რაღა ვუყოთ?

წინასწარმეტყველების სამშობლო

გასული წლის დასასრულს გერმანელმა ისტორიკოსმა, სვენ გრონემეიერმა განაცხადა, რომ მაიას ინდიელების წინასწარმეტყველება სწორად არ არის გაშიფრული: "საკრალური ციფრები, 2012 წლის 12 დეკემბერი - დედამიწაზე სიცოცხლის დასასრული კი არა, არამედ მორიგი კალენდარული ციკლის დასაწყისია".

ამ რიცხვებსა და წინასწარმეტყველებაზე აგორებულ ტალღაზე სხვადასხვა სააგენტოებმა მშვენიერი ბიზნესი ააწყვეს: ტურისტებს სთავაზობენ მოგაზაურობას მექსიკასა და პერუში, ინკების, აცტეკებისა და უძველესი მაიას სამშობლოში.

საშინელი სამსჯავრო: არ ახდა!

ქრისტიანული სამყარო 1492 წელსაც ელოდა სამყაროს დასასრულს, რადგან თვლიდნენ, რომ "ღმერთმა ქვეყნიერება მხოლოდ 7 000 წლით შექმნა".

1603 წელს დომინიკელმა ბერმა, ტომაზო კამპანელამ იწინასწარმეტყველა, რომ მზე დედამიწას შეეჯახებოდა და კაციობრიობის ცხოვრება დასრულდებოდა.

1900 წელს - სამყაროს დასასრული რუსულმა სექტამ "წითელი სიკვდილი" იწინასწარმეტყველა.

1994-ში ამერიკელმა ჰაროლდ კემპინგმა გამოსცა წიგნი აპოკალიფსის მათემატიკური გამოანგარიშებებით.

2008 წელი რამდენიმე ვერსიის გაჟღერებით დაიწყო: ელოდნენ ასტეროიდსაც და კოლაიდერის გაშვებით გამოწვეულ აფეთქებასაც.

2009 წელს არმაგედონი ნოსტრადამუსის მიხედვით უნდა მომხდარიყო.

2011 წელს ჩვენთვის ნაცნობმა კემპინგმა, გადაამოწმა რა თავისი ძველი ანგარიშები, სამტყაროს მორიგი დასასრული იწინასწარმეტყველა.

ჟურნალი "და ქალი"