გათხოვილ ქალს ახალგაზრდა მამაკაცის სიყვარული როგორ სიამოვნებს
44 წლის ქალი, რომელიც გათხოვილია და ორი სტუდენტის დედაა, ერთ-ერთ საიტზე თავისი ცხოვრების უეცარი გახალისების შესახებ წერდა.ქალბატონი ყვება, რომ მეზობლად 33 წლის მამაკაცმა სახლი იყიდა და რამდენჯერმე რომ ოჯახს დახმარება დასჭირდა, დიდი სიხარულით გაუმართა ხელი.ამის შემდეგ კი მის გარეშე ოჯახში სუფრა არ იშლებოდა და ისიც დიდი სიხარულით მოდიოდა მეზობლებთან ნებისმიერ დროს...
ერთხელაც, შვილები რომ სოფელში იყვნენ დასასვენებლად და სტუმრები ჰყავდათ ამ ოჯახში, ეს მეზობელიც, თავისთავად, მოვიდა.დასასრულს კი ქმარს რომ ჩაეძინა უკვე და დიასახლისი სახლის დალაგებას შეუდგა, კარზე კაკუნი გაისმა და აღმოჩნდა, ახალგაზრდა მეზობელი მობრუნებულიყო.გაფითრებული, ანერვიულებული, ლამის მუხლებზე დაეცა და ისე უხსნიდა სიყვარულს უფროს ქალბატონს, დანახვის დღიდან მიყვარხარ და იქნებ როგორმე იმავეთი მიპასუხოო.დისახლისი კარგა ხანს უსმენდა, თუმცა გონს მოსულმა კარი მიუხურა და გააგდო.მის მერე, რაღა თქმა უნდა, აღარასდროს არ დაუძახებია მეზობლისთვის და ქმარს ძალიან უკვირდა, ასე უმიზეზოდ რატომ მოიძულმა ეს ბიჭი მისმა მეუღლემ.მეზობელმა კი მალევე გაყიდა სახლი და სულ სხვაგან გადავიდა საცხოვრებლად.
ამ შემთხვევის მერე ოჯახის დიასახლისი ხშირად იხსენებს გუნებაში მეზობელ ბიჭს და სიამოვნებით ელოლიავება მოგონებას, რომელმაც ცხოვრება გაუხალისა.ამ ახალგაზრდა ბიჭის სიყვარულმა ისევ სასურველ ქალად მაგრძნობინა თავიო, ამბობს...მე კი მგონია, რომ ქალებს, რომელთაც ოჯახში სრულყოფილი ურთიერთობები აქვთ, რომლებსაც ქმრები მობეზრებული სათამაშოსავით არ ექცევიან და ძველებურად უყვართ თავისი პარტნიორები, ასე არ ემართებათ.მისი ქმარი რომ მოსიყვარულე, ერთგული და თბილი დამოკიდებულებით სასვე ყოფილიყო ცოლის მიმართ, ვფიქრობ, რომ მეზობლის სიყვარული თუ გატაცება ასეთი მნიშვნელოვანი და სასიხარულო არ აღმოჩნდებოდა ქალისთვის.ეს იქნებოდა უბრალოდ სასიამოვნო მომენტი, რომელზე საქვეყნოდ დაწერაც აზრად არ მოუვიდოდა არასდროს...
