ჯენიფერ ლოპესი ყოფილი მეუღლის არჩევანით აღშფოთებულია

ჯენიფერ ლოპესი თავისი ყოფილი მეუღლის ახალი რომანით აღშფოთებულია. შეგახსენებთ, რომ მარკ ენტონის ამჟამინდელი შეყვარებული 22 წლის, მილიარდერის ქალიშვილი ქლოა გრინი გახლავთ. ლოპესს არა მხოლოდ შეყვარებულებს შორის ასაკობრივი სხვაობა აღელვებს, არამედ ისიც, რომ წყვილი ჯენისა და მარკის შვილების თანდასწრებით კოცნას არ ერიდებოდა. ამას გარდა, მომღერალს ის ფაქტიც არ მოეწონა, რომ სეირნობის დროს ქლოას მისი შვილები ხელში ჰყავდა აყვანილი. აღსანიშნავია, რომ თავად ლოპესი კასპერ სმარტს დიდი ხანია ხვდება და მათ შორის სხვაობა 18 წელია, რითაც ვარსკვლავი აქამდე მხოლოდ ამაყობდა. როგორც ჩანს, ყოფილმა მეუღლემ და მისმა ახალმა შეყვარებულმა მას აზრი შეაცვლევინეს. მარკი თავის დანაშაულს არ აღიარებს და მიაჩნია, რომ ყოფილ ცოლს მხოლოდ ის აგრძნობინა, რასაც ადრე თავად განიცდიდა.