ჩემთვის მიუღებელია ხელოვანი, რომელიც ხელისუფლებას ემსახურება!

რუსულ-ქართული კულტურული ურთიერთობების აღდგენის თემა დღეს ძალზე აქტუალურია, საზოგადოებაში, შეიძლება ითქვას, ამ საკითხთან დაკავშირებით, ერთი აზრი არ არსებობს. სხვებთან ერთად, ამ საკითხზე აზრის გამოთქმა ვთხოვეთ მწერალ დათო ტურაშვილს.

-ერისიონის რუსულმა გასტროლმა არა ერთგვაროვანი რეაქცია გამოიქვია საზოგადოებაში, თვქენთვის როგორც ხელოვნების წარმომადგენელისათვის მისაღები იყო თუ არა "ერისიონის" რუსეთში გამოსვლა?
- რუსეთში კონცერტები მათთვის არავის დაუშლია და არც კრიტიკული აზრი გამოუთქვამთ საქართველოში ამასთან დაკავშირებით. რამდენადაც ვიცი, საქართველოში გააპროტესტეს მათი საკონცერტო გამოსვლა კრემლის დარბაზში და ეს სრულიად ლოგიკურია.

- ვთქვათ რუსეთში გამოსცეს თქვენი წიგნი და პრეზენტაცია იყო კრემლის დარბაზში წახვალთ თუ არა?

- კრემლში რასაკვირველია არ წავალ.

-ძალიან პოპულარულია თქვენი ახალი წიგნი "დოდოს მოლოდინში", სადაც ქართველების ემიგრირება უმთავრესი პრობლემა, რა როლი შეუძლია შეასრულოს ხელოვანს ამ პრობლემის გადაჭრაში?

-ხელოვანისთვის ადვილი არაა მათი სოციალური პრობლემების მოგვარება და უფრო გამამხნევებლის ფუნქცია თუ ექნება. სახელმწიფოს კი ნამდვილად შეუძლია მათი რეალური დახმარება. მაგალითად საქართველოს ხელისუფლებამ რომ მიმართოს საბერძნეთის ხელისუფლებას და ათასობით ემიგრანტ ქართველს ლეგალური სტატუსი მისცენ. უამრავი ქართველისთვის უბრალოდ ქუჩაში გასვლაც კი სტრესია .

- ყოველთვის არსებოდნენ ე.წ. ხელისუფლებასთან დაახლოებული ხელოვანები, რამდენად სწორია ადამიანისგან, რომელიც თავს ხელოვნების წარმომადგენელს უწოდებს ერთ კონკრეტულ ფრთასთან მიმხრობა?

- ჩემთვის მიუღებელია ხელოვანი, რომელიც ხელისუფლებას ემსახურება და არა ხალხსა და საკუთარ პროფესიას. ამ შემთხვევაში სულერთია როგორია ხელისუფლება.

-თქვენ ყოველთვის გამოირჩეოდით ობიექტურობით რას დაუწუნებთ დღევანდელ ხელისუფლებას და უპირველესად რა რჩევას მისცემდით?

- სამწუხაროდ ახალმა ხელისუფლებამ უკვე დაუშვა რამდენიმე შეცდომა, მაგრამ მთავარია ისეთი შეცდომა არ დაუშვას, რომელსაც ვერასოდეს გამოასწოროს. იმედი ვიქონიოთ რომ წინა ხელისუფლების მთავარ შეცდომასაც არ გაიმეორებენ და არ დაავიწყდებათ რომ თანამედროვე ევროპულ სახელმწიფოში მთავარი ფასეულობა ადამიანია.

ლადო გოგოლაძე (სპეციალურად საიტისთვის)