კეიტმა და უილიამმა შვილის სახელი შეარჩიეს

როგორც ჩანს, სამეფო წყვილი აღარ მალავს, რომ მალე გოგონა ეყოლებათ. ცოტა ხნის წინ კეიტს წამოსცდა, რომ პრინცესას ელოდება. ახლა კი ცნობილი გახდა, რომ პრინცმა უილიამმა და კემბრიჯის ჰერცოგინიამ მომავალი მემკვიდრისთვის სახელი უკვე მოიფიქრეს. გოგონას, სავარაუდოდ, ელისაბედ დიანა კეროლს დაარქმევენ. პრესა წერდა, რომ სამეფო ოჯახში ბავშვის სახელთან დაკავშირებით უთანხმოება წარმოიშვა. უილიამსა და კეიტს სურდათ, შვილისთვის დიანა დაერქმიათ, რასაც ელისაბედ მეორე ეწინააღმდეგებოდა. ამ გზით ცოლ-ქმარმა რევერანსი ოჯახის რამდენიმე წევრს გაუკეთა: დედოფალს, გარდაცვლილ პრინცესა დიანასა და პრინც ჩარლზსაც, რადგან კეროლი ჩარლზის ლათინური ვარიანტი გახლავთ.