მადონამ პუტინის სექსუალური ფანტაზიები გაამხილა

რუსული პანკ-ჯგუფის, Pussy Riot-ის დასაცავად გამოთქმული მოსაზრებების გამო მომღერალი მადონა კვლავ სკანდალის ცენტრში აღმოჩნდა. ამჯერად მან რუსეთის ფედერაციული რესპუბლიკის პრეზიდენტი ვლადიმერ პუტინი გააკრიტიკა.

გეი-საზოგადოების, GLAAD Media Awards-ის პრემიის გადაცემის ცერემონიალზე მადონა ბოისკაუტის კოსტიუმში გამოწყობილი მივიდა. მას ჯილდო ტელეწამყვან ანდერსონ კუპერისთვის უნდა გადაეცა, თუმცა, სანამ ამას გააკეთებდა, მომღერალი სიტყვით გამოვიდა.

"პრეზიდენტი პუტინი რომ Pussy Riot-ის წევრებთან ერთად ერთ ოთახში აღმოჩენილიყო (დარწმუნებული ვარ, თითოეულთან სექსის სურვილი გაუჩნდებოდა) და მათთან ღია დიალოგზე წასულიყო, მოესმინა თანამედროვე რუსეთის ახალგაზრდა, შემოქმედ ქალთა მოსაზრება, ნუთუ მაშინაც გაუშვებდა ჯგუფის წევრებს ციხეში? ისინი ხომ მხოლოდ და მხოლოდ კრიტიკისთვის დააპატიმრეს?" - განაცხადა მადონამ.

პოპ-ვარსკვლავს არ დავიწყებია სანკტ-პეტერბურგში მის გამოსვლასთან დაკავშირებული ინციდენტი. პიტერში მკაცრად მოქმედებს კანონი "გეების" წინააღმდეგ. მადონას თქმით, მის კონცერტამდე და მას მერე 85 ადამიანი დააპატიმრეს.

ადგილობრივი მთავრობა რომ იმ ადამიანებთან დიალოგზე წასულიყო, გაეგო მათი მისწრაფებებისა და ოცნებების შესახებ, მათ ციხეში არავინ ჩასვამდა, თავად მადონას კი გეი-საზოგადოების ღიად მხარდაჭერისთვის სამოქალაქო ბრალდებას აღარ წაუყენებდნენ.

მასალის წყარო: people.passion.ru