ვერიკო ტურაშვილმა ახალი სახლი დედამთილთან ერთად მოაწყო (ექსკლუზივი)
მომღერალი ვერიკო ტურაშვილის ცხოვრებაში სასიამოვნო სიახლეა.მარტის ბოლოს ორთაჭალაში ახალ,ოროთახიან ბინაში გადავა 9 წლის შვილთან და დედამთოლთან ერთად.სახლი თითქმის სრულად არის გაწყობილი,მხოლოდ რამდენიმე დეტალი აკლია.მიუხედავად იმისა,რომ ჯერ იქ არ ცხოვრობს,ვერიკომ ახალ მოსახლეობა უკვე აღნიშნა თან რამდენჯერმე.
- ვერიკო ,ბინა მზადაა,რატომ აჭიანურებთ გადასვლას?
-რახანია აქ გადმოსვლას ვაპირებ.მგონი,აღარ გადავწევ და მარტის ბოლოს გადმოვალ.ყველაფერი დამთავრებული მაქვს უბრალოდ ზამთარში დამეზარა გადმობარგება.
-რა დეტალის დამატებას აპირებთ?
-ყველაფერი ნაყიდი მაქვს,მაგრამ ჯერ ფარდები არ დამიკიდია.დანარჩენ ყველაფერს საბოლოო სახე აქვს.
- ცალკე ცხოვრების სურვილი ადამიანებს არეული ასაკიდან უჩნდებათ,ყველა მიილტვის საკუთარი კუთხე მოიწყოს.
თვენ როდის მოგინდათ საკუთარი ბინა გქონოდათ?
-არასოდეს მქონია ცალკე ცხოვრების სურვილი.არც ისე დიდი ვიყავი,როდესაც გავთხოვდი და დამოუკიდებლად ბევრი რამის კეთება მომიწია.ახლა უკვე ნამდვილად დროული იყო ჩემი ცალკე ცხოვრება.30 წლის ვარ და აქამდე ჩემს მშობლებტან ერთად ვცხოვრობდი.მიხარია,რომ შევძელი და ჩემთვის პატარა ბინა ვიყიდე.საერთოდ,ყოველთვის დამოუკიდებელი ვიყავი.ჩემი მშობლები სულ მუშაობდნენ,ამიტომ მე და ჩემი უფროსი და პატარაობიდანვე დამოუკიდებლობას მივეჩვიეთ.საჭმელსაც ჩვენ ვიმზადებდით.იმას არ ვამბობ,რომ დედამ ყურადღება მოგვაკლო,უბრალოდ ყოველთვის დამოუკიდებლად ვიღებდი გადაწყვეტილებებს.
-თავად თუ წარმოგიდგენიათ,როცა თქვენი შვილი წამოიზრდება,ცალკე საცხოვრებლად წავიდეს?
-ეგ ვერანირად წარმომიდგენია და ჯერჯერობით ამაზე ფიქრიც არ მინდა!მაინც ვცდილობ,შვილს რაღაც დოზით დამოუკიდებლობა მივცე.თუნდაც თვითონ გადაწყვიტოს რა ჩაიცვას,მაგრამ ერთ მშვენიერ დღეს ჩემი შვილი რომ მოვიდეს და გამომიცხადოს,დედა,მე ჩემი პირადი ცხოვრება მაქვს და ცალკე უნდა გადავიდეო ალბათ ძალიან ცუდი რეაქცია მექნება.
-ბინის მოწყობის პროცესმა როგორ ჩაიარა,ნივთები,ავეჯი როგორ შეარჩიეთ,ფერების საკითხი როგორ გადაწყვიტეთ?
-ყველაფერი დამოუკიდებლად გავაკეთე.ყველა ნივთი ჩემი შერჩეულია.ამ ბინაში მე, ჩემი შვილი და დედამთილი გადმოვდივართ,იმის გამო ,რომ პატარა ბინაა გადავწყვიტე ,კედლები ღია ფერში გამეკეთებინა.მითხრეს,მუქი ფერი სახლს უფრო აპატარავებსო.ამიტომ შევარჩიე ეს ფერები,არაპრეტენზიული და სადაა.ჩემთვის ყველაზე მნიშვნელოვანი ის იყო,"როკოკოები" არ ყოფილიყო.სიძველე არ მიყვარს,ამიტომ თანამედეროვე ავეჯი შევარჩიე.სახლი ისე მოვაწყვეთ და ისე გავაკეთეთ,როგორც მე და ჩემ დედამთილს გვინდოდა.ყველა ოთახი ერთ ფერში, კრემისფერ-ყავისფერშია გადაწყვეტილი.
-ავეჯს და ნივთებს საბოლოოდ მიუჩინეთ ადგილი თუ კიდევ ფიქრობთ მათ გადაადგილებას?
-ვერ გეტყვით,რომ ავეჯის გადაადგილების დიდი მცდელობები მაქვს იქ,სადაც ახლა ვცხოვრობ.იმ სახლსჰი დიასახლისი დედაა და ის წყვეტს რა სად დადგას.ამ სახლის პატრონი დიასახლისიც და მამასახლისიც მე ვარ და ამიტომ რაღაცეები შეიძლება შევცვალო,თუმცა არამგონია,ბინის ფართმა ავეჯის გადაადგილების დიდი საშუალება მომცეს.
-კედლები ჯერჯერობით ცარიელია.არაფერს დაკიდებთ?
-ნახატებს მირჩევნია ფოტოები დავკიდო,ვნახოტ.
-სახლში ყოფნა გიყვართ?
-დღის განმავლობაში სახლში ვარ რადგან ლიზას ყურადღება ჭირდება, დილით სკოლაში უნდა წავიყვანო,ტანსაცმელი გავუმზადო.მირჩევნია,ყველაფერი მე გავუკეთო,ვიდრე დედას ან ჩემს დედამთილს დავავალო.თუ მნიშვნელოვანი საქმე არ მაქვს,ფაქტობრივად მთელი დღე სახლში ვარ.საღამოს საათებში გამოსვლა მიყვარს.ჩემს სახლში ცხრა საათზე სრული დუმილია,ყველა ოთახში ვიღაცას ძინავს,მე კი ადრე ვერ ვიძინებ,ამიტომ საღამოს სადმე მივდივარ.ზოგიერთი ჩემი მეგობარი დამცინის სახლი როგორ არ გიყვარსო,მაგრამ ასე არ არის.რადგან ყველას ძინავს,ვერც მუსიკას ვრთვა,ვერც ვხმაურობ , ამიტომ ამ დროს მეგობრებისთვის ვიცლი.
-მეგობრები ამ ახალ სახლში უკვე გყავდათ სტუმრად?
-რამდენჯერმე.მგონი,სანამ გადმოვალ მეზობლები აქედან გადამგდებენ.მიდის ბანქოს,ნარდის თამაში,მუსიკას ხმამაღლა ვრთავთ და მეზობლებს აღარ შეუძლიათ.ცოტა ხნის წინ ერთმა მეზობელმა დამირეკა,მკითხა,ალბათ ავეჯს უცვლით ადგილსო.ეტყობა ძალიან ხმაური იყო და ჩვენ ვერ ვგრძნობდით,ამიტომ მოვუბოდიშე.აქ რომ გადმოვალთ მერეც აუცილებლად სულ სტუმრიანობა იქნება,რადგან მეც,ჩემი შვილიც,ჩემი შვილის ბებიაც სტუმართმოყვარეები ვართ.ჩემს დედამთილს ხალხმრავლობა უყვარს და მეგობრები სულ გვეყოლება.იმედია,მერე ცოტა ჩუმად ვიქნებით.
-საოჯახო საქმეებიდან ძირითადად რას აკეთებთ?
-სახლის დალაგება,სარეცხის,ჭურჭლის დარეცხვა ჩემზეა.სხვების თუ არა ჩემი და ჩემი შვილის სარეცხზე მაინც ვზრუნავ.სადილს რაც შეეხება,ამით არ მაწუხებენ,მაგრამ ეს იმას არ ნიშნავს,რომკეთება არ შემიძლია,მეტიც,მომწონს კულინარობა.გაუთოებას მთელი დღე სამზარეულოში დგომა და საჭმელების კეთება მირჩევნია.იმდენად მეზიზღება დაუთოება,ამ სახლისთვის უთო არც მიყიდია.
-ახალ სამზარეულოში ალბათ სხვანაირი მონდომებით იტრიალებ.
-კი,მინდა, ამ სახლში ყველაფერი სხვანაირად იყოს,საჭმელებიც კი განსხვავებული მომადდდეს.კაფეში რომ შევდივარ და განსხვავებულ სალათს ვსინჯავ ინგრედიენტებს ვაკვირდები,რომ მერე მეც ვცადო და ახალ სახლში მოვამზადო.მინდა,ამ ბინაში ყველაფერი ახალი და განსხვავებული იყოს.ჩემ შვილს ლიზას,ძალიან უყვარს ჩემი გაკეთებული საჭმელები.მეუბნება,კვერცხსაც კი რაღაც სხვანაირად წვავო.
-ალბათ ამ სახლში უკვე ამოირჩიეთ საყვარელი კუთხე.
-ჩემი და ჩემი მეგობრების საყვარელი კუთხე სამზარეულოა,მისაღებში ვერავინ გამყავს.
-სხვა რა სიახლეებია თქვენს ცხოვრებაში?
-არაფერი,გარდა იმისა,რომ ჩემი ბოლო ნამუშევრით ვტკბები.სხვა არც არაფერი ხდება.იმ შეფასებებით,რაც ჩემმა კლიპმა მიიღო,შემიძლია ვთქვა,რომ მართლაც ვხარობ.უმრავლესობას მოეწონა და კომპლიმენტებს მეუბნებიან.რაც შეეხება სამომავლო გეგმებს, სპეციალურად ჩემთვის დაწერილ სიმღერას გავაკეთებ.ჩემი ბოლო სამი ნამუშევარი ძველი სიმღერებიდან გავაკეთე.ვფიქრობ,რაიმე რიტმული,საზაფხულო ჩავწერო.ამდენი სევდა უკვე აღარ მინდა.
ქეთი დინოშვილი
ჯურნალი "სარკე"
