ცოლიანი კაცის ნიშნები

სამწუხაროდ, ცოლის მოყვანის შემდეგ მამაკაცები უხილავები არ ხდებიან გასათხოვარი ქალებისთვის და დიდი ეჭვია, რომ ცხოვრების მეგზურის ძიების დროს სწორედ დაკავებული კაცის მახეში აღმოჩნდეთ.
როგორ გავარჩიოთ ცოლიანი კაცი უცოლოსგან?

ცოლიანი კაცი ქალებს შემფასებლის თვალით და ინტერესით არ უყურებს. ის არ ცდილობს გააბას ნაცნობობა იმისათვის, რომ შეგიცნოთ: ეს მას არ სჭირდება.

ჩართეთ ინტუიცია და ყურადღებით დააკვირდით. ცოლიანი კაცი მსახიობივით არის: თქვენ ხედავთ, ის – ვერ.

ცოლიანი მამაკაცის 7 ნიშანი

1. ის არ ატარებს თქვენთან შაბათ-კვირას

არადა, თავისუფალი ადამიანისთვის დასვენების დღეები საუკეთესო დროა – შეხვდეს სასურველ ქალს. ეს, ალბათ, ყველაზე აშკარა ნიშანია, რომლის მიხედვითაც შეგიძლიათ ცოლიანი მამაკაცი უცოლოსგან განასხვავოთ.

თუ მოხდა ისეთი შემთხვევა, რომ მოახერხა და გამოძვრა რომელიმე დღესასწაულზე, დიდი ტანჯვის ფასად, არანაირი მიმოსვლა საზოგადოებრივი თავშეყრის ადგილებში, უცნაური საუბრები ტელეფონზე (ხომ შეიძლება, ცოლმა დარეკოს და გაიგოს, სად არის. ასე რომ, მოუწევს დაბნეული ახსნა-განმარტებები) – ეს ყველაფერი მის ცოლიანის სტატუსზე მეტყველებს.

2. ის გაურბის საზოგადოებას

ის გაურბის თქვენთან ერთად ყველა ცნობილ საზოგადოებრივ ადგილს (პოპულარულ კაფეებს, სავაჭრო ცენტრებს), არ იღებს ერთობლივ ფოტოებს.

3. ის ხშირად მიუწვდომელია ტელეფონზე

თქვენი რჩეული საღამოობით არ პასუხობს ტელეფონს ან თუ პასუხობს, უცნაურად გესაუბრებათ (ძალიან ხმადაბლა, მინიშნებებით) ან საერთოდ გამორთული აქვს ტელეფონი. ან საერთოდ, სამსახურის ტელეფონიდან გეკონტაქტებათ, ან სულაც ორი ტელეფონი აქვს. საღამოს ან სხვა თავისუფალ დროს არ გპასუხობთ სმს-ებზე ან ცდილობს, უცებ დაასრულოს მიმოწერა.

დასკვნები ადვილი გამოსატანია, ეს იმას ნიშნავს, რომ მალავს საუბრებს... იმაზე ლაპარაკიც ზედმეტია, რომ სახლის ტელეფონის ნომერს საიდუმლოდ ინახავს.

4. იდუმალებით მოცულია

შეამჩნიეთ, რომ დრო გადის, თქვენ კი მის შესახებ ელემენტარული რაღაცებიც არ იცით – გვარი, მისამართი, სამსახურის ზუსტი მისამართი და ა.შ. თქვენს შეკითხვებს ის ოსტატურად იცილებს თავიდან. ნებისმიერი კონკრეტიკა მისთვის საშიშია: მოულოდნელად მის სამსახურში მისვლა რომ მოგინდეთ და იქ მის ცოლს გადაეყაროთ? სცენა, რა თქმა უნდა, სერიალს მოგაგონებთ, მაგრამ ორ ფრონტზე გართობისას მამაკაცი ყველანაირად უნდა დაეზღვიოს.

5. ის იტყუება

მის საქციელში უცნაურობების შემჩნევის შემდეგ თქვენ, რა თქმა უნდა, გაგიჩნდებათ კითხვები. ადამიანისთვის კი, რომელსაც დასამალი ბევრი აქვს, პრობლემას არ წარმოადგენს ზღაპრების დაწერა.

მალე შენიშნავთ, რომ ის საკუთარ ტყუილებში გაიხლართება. თანაც, წარმოიდგინეთ, იგივე ხდება ცოლის მხარესაც – იქაც უწევს ტყუილების თქმა. ამიტომაც მსგავსი ურთიერთობები დიდხანს საიდუმლოდ ვერ რჩება.

6. ის ეკონომიურად ხარჯავს

პრაქტიკულად, ყველა ცოლმა იცის ქმრის ბიუჯეტის დეტალები და ადვილად გრძნობს ზედმეტ ხარჯს. ამიტომაც "დამატებითი" ურთიერთობისთვის ფული ნაკლები იხარჯება და ზედმიწევნით კონტროლდება.

ასეთი მამაკაცისგან არ ელოდეთ ძვირფას საჩუქრებს და ხელგაშლილ ჟესტებს (მაგალითად, ძვირფას ვახშამს რესტორანში).

7. მის გარეგნობას აშკარად ეტყობა ქალის ხელი

ეს სიმპტომი თითქოს არაფერ საეჭვოს არ იწვევს, მაგრამ სხვა ნიშნებთან ერთად, მას წონა უკვე აქვს. მამაკაცის გარეგნობის შეფასება, როგორც წესი, პატარ-პატარა დეტალებით ხდება, რომლის დაჭერაც მხოლოდ ყურადღებიან, დაკვირვებულ ქალს შეუძლია.

არსებობს ისეთი დეტალები მამაკაცის გარდერობიდან, რომლის ყიდვაც მხოლოდ ქალს შეუძლია მამაკაცისთვის.

ასე რომ, თუ თქვენი რჩეული ზედმიწევნით მოვლილია, მაშინ იცოდეთ, რომ თქვენს წინაშე ან ცოლიანი მამაკაცია, ან... ასაკიანი ბერბიჭა, რომელიც წლების განმავლობაში მიეჩვია დამოუკიდებელ ცხოვრებას და საკუთარი თავის მოვლას.

წყარო