"ბედნიერების ფორმულა" მამაკაცებისათვის

ბედნიერება არის ფსიქიკური მდგომარეობა, რომელიც ხასიათდება დადებითი ემოციებით, რასაც იწვევს ინტენსიური სიხარულის განცდა.

ბრიტანელმა მეცნიერებმა 20 ათასი ქალისა და მამაკაცის გამოკითხვის შედეგად გამოიტანეს დასკვნა, რომ ქალები მამაკაცებზე ბედნიერები ყოფილან. კვლევამ აჩვენა, რომ მშვენიერი სქესის წარმომადგენლები გაცილებით მეტი ოპტიმიზმით გამოირჩევიან და ცხოვრებას უფრო მარტივად აღიქვამენ, ვიდრე მამაკაცები, რომლებიც მუდმივად რაღაცაზე ღელავენ, და მუდმივად ცხოვრებაზე წუწუნებენ.

- და მაინც რატომ არიან ქალები მამაკაცებზე უფრო ბედნიერები? ამას არც ისე რთული ახსნა ჰქონია. ძლიერი და სუსტი სქესის წარომადგენლები ცხოვრებას სხვადასხვაგვარად უყურებენ. მაგალითად: ქალებს უფრო საყოფაცხოვრებო პრობლემები აღელვებთ, მამაკაცები კი მთელი თავისი ცხოვრება კარიერის მოწყობაზე იშლიან ნერვებს.

ქალების აზრით, ბედნიერება წვრილმანებშია. მთავარია მისი დანახვა და აღქმა შეგეძლოს.

მამაკაცებისთვის ბედნიერება კარიერა, ფული და ლამაზი ქალია.

ბრიტანელი მეცნიერები მამაკაცებს ურჩევენ, რომ აკონტროლონ ფიქრები და მაშინვე შეცვალონ ნეგატიური აზრები პოზიტიურით. ეს გარანტირებულად გამოასწორებს ხასიათს, ეცადეთ ყველაფერს მოეკიდოთ მარტივად, დააფასოთ ის რაც გაქვთ, მიბაძოთ მშვენიერი სქესის წარმომადგენლებს, გიხაროდეთ წვრილმანებიც, რომელიც

ენდროფინების გამოყოფას შეუწყობს ხელს რასაც " ბედნიერების ჰორმონს" ეძახიან. ენდორფინები აღაგზნებენ სიამოვნების ცენტრს, რომელის განთავსებულია ტვინში, სწორედ ეს გვაგრძნობინებს სიხარულს, სიმსუბუქეს და ძალების მოზღვავებას.რაც მეტ ენდორფინებს გამოიმუშავებს ორგანიზმი, მით მეტად ბედნიერია ადამიანი.

გარდა ამისა ბედნიერების ჰორმონის დონის აწევა შეიძლება გარკვეული საკვებითაც. მიირთვით : ციტრუსები, ყველი, ბანანი, მაკარონი, ზღვის პროდუქტები, ზღვის თევზი, ქათამი და წითელი ხორცი, ფერადი ბოსტნეული: პომიდორი, ბულგარული წიწაკა, სიმინდი, ჭარხალი, ნაყინი და ნუში.