• "ქორწინება კლავს"? – ცოლ-ქმარს შორის ასაკში სხვაობა ქალის სიცოცხლეს ამოკლებს

    გერმანელი მეცნიერები მივიდნენ დასკვნამდე, რომ არათანაბარი ქორწინება უარყოფითად მოქმედებს ცოლის სიცოცხლის ხანგრძლივობაზე.

    გერმანიის დემოგრაფიული ინსტიტუტის მეცნიერებმა საინტერესო კანონზომიერებას მიაგნეს: თუ მამაკაცი ასაკით პატარა ქალზე ქორწინდება, ეს მის სიცოცხლეს ახანგრძლივებს; ხოლო ქალზე უარყოფითად მოქმედებს ცოლ-ქმარს შორის ასაკში ნებისმიერი სხვაობა. ამასთან, რაც მეტია მეუღლეებს შორის ასაკში სხვაობა, მით ნაკლებია ქალის სიცოცხლის ხანგრძლივობა. აღსანიშნავია, რომ ამ შემთხვევაში, მნიშვნელობა არ აქვს, ცოლია ქმარზე უფროსი თუ - პირიქით.

    2 მილიონ წყვილზე დაკვირვებისას, კვლევის ხელმძღვანელებმა სვენ დრეფალმა და მისმა კოლეგებმა დაადგინეს, რომ ქალისთვის საუკეთესო არჩევანი – თანატოლ მამაკაცზე გათხოვებაა. ქორწინება ბევრად უფროს მამაკაცზე (7-9 წლით უფროსი) სიკვდილის რისკს 20%-ით ზრდის, თუმცა ცოლზე უმცროსი ქმარი ქალის სიცოცხლის ხანგრძლივობას კიდევ უფრო ამცირებს და ამის ახსნა შემდეგნაირია:

    "წყვილები, სადაც ქმარი ცოლზე უმცროსია, სოციალურ ნორმებს არღვევენ. შესაბამისად, საზოგადოებისგან ზეწოლას განიცდიან", - ამბობს დრეფელი. მეცნიერის სიტყვებით, ისინი, ვინც ცოლად ასაკით უმცროს მამაკაცს მიჰყვებიან, საზოგადოებაში მიღებულ ნორმებს არღვევენ: ეს წყვილები შეგვიძლია განვიხილოთ, როგორც აუტსაიდერები, რომლებსაც ნაკლები სოციალური მხარდაჭერა აქვთ. ამას, თავის მხრივ, მოაქვს სტრესი, შესაბამისად კი, სიცოცხლის ხარისხის შემცირება, საბოლო ჯამში კი, სიკვდილიანობის ზრდა.

    ამგვარად, გამოკვლევამ მიგვიყვანა დასკვნამდე, რომ ქორწინება, სიცოცხლის ხანგრძლივობის თვალსაზრისით, მამაკაცისთვის უფრო მომგებიანია, ვიდრე ქალისთვის. თუმცა ეს იმას არ ნიშნავს, რომ "ქორწინება კლავს"! დღემდე ჩატარებულმა მრავალრიცხოვანმა გამოკვლევებმა ცხადყო, რომ მარტოხელა ადამიანებთან შედარებით, დაქორწინებულები ბევრად დიდხანს ცოცხლობენ.
    2 305 ნახვა
    10-12-2016, 21:47
    GOGATV