ჭაღარა თმების დასამარცხებლად - შეიქმნა აბები
სიახლის ავტორები ფრანგი სპეციალისტები არიან, რომლებიც მომხმარებლებს სთავაზობენ, ჭაღარა თმებს სწორედ აბების დახმარებით გაუმკლავდნენ.მიიჩნევა, რომ გაჭაღარავებას ოთხი ფაქტორი იწვევს: მემკვიდრეობა, სტრესი, ასაკი და ქრონიკული დაავადებები.
ნაადრევი გაჭაღარავების ზუსტი მიზეზი და მექანიზმი უცნობია, თუმცა არსებობს რამდენიმე ფაქტორი, რომელთა არსებობა ხელს უწყობს ჭაღარის მომრავლებას. დადგენილია, რომ ნივთიერება თიროზინის დეფიციტი ერთ-ერთი ასეთი ფაქტორი გახლავთ. თიროზინი შედის ცილოვანი პროდუქტების შემადგენლობაში და მისი დეფიციტი ხშირად დიეტების მოყვარულებს უვითარდებათ ხოლმე. ასევე მნიშვნელოვანი ფაქტორია ვიტამინ B12-ის დეფიციტიც. ეს ვიტამინიც ცხოველურ პროდუქტებში შედის და მათი ამოღება რაციონიდან ხანგრძლივი დროით აუცილებლად გამოიწვევს გაჭაღარავებას.
მაგრამ უშუალო მიზეზი ნებისმიერ შემთხვევაში ერთია - პიგმენტ მელანინის გაქრობა, რომელიც თმის ფოლიკულში გამომუშავდება, როდესაც ამ ფერმენტის გამომუშავება წყდება, თმა ჭაღარავდება.
ნაადრევი გაჭაღარავება სხვა ფაქტორებზეც არის დამოკიდებული, მაგალითად, კუჭ-ნაწლავის ტრაქტის დაავადებები, ბრონქულ ასთმა, ანემია, ფარისებრი ჯირკვლის ფუნქციის დარღვევა. თმის გათეთრება შესაძლოა მძიმე ინფექციურმა დაავადებამაც გამოიწვიოს.
ფრანგების მიერ გამოგონილი აბების ყოველდღიური მიღება, ადამიანის თმას ბუნებრივ ფერს უნარჩუნებს. თუმცა აუცილებელი პირობაა, რომ მისი დალევა პირველი ჭაღარის გაჩენიდადან უნდა დაიწყოს. 
სპეციალისტები იმასაც ამბობენ, რომ ახალი აბები ხილის ექსტრაქტზეა დამზადებული და არავითარი უკუჩვენება და გვერდითი ეფექტები არ გააჩნია. პრეპარატის გაყიდვის თარიღად 2015 წელი სახელდება და მის შემქმნელებს იმედი აქვთ, რომ პრეპარატი ერთიანად მოთხოვნადი იქნება როგორც ქალებში ასევე მამაკაცებში.
