ეკა ფანგანი და ბექა ჩხაიძე ერთმანეთს დაშორდნენ
თბილისური ბომონდის ცნობილი შეყვარებული წყვილი დაშორდნენ ეკა ფანგანი და ჯგუფ "ალილოს" წევრი სულ ცოტა ხნის წინ ერთმანეთს დაშორდნენ. ეკამ ეს ამბავი" სარკესთან'' დაადასტურა. ამ შემთხვევაში ვერ ვიტყვით, რომ ისინი მეგობრებად დარჩნენ, რადგან, როგორც ჩანს, კონფლიქტი მოხდა და ეკას ყოფილ შეყვარებულთან არანაირი ურთიერთობის სურვილი არ აქვს.
ასეთი რაღაცეები ხდება და ჩვენ შემთხვევაშიც მოხდა. ახლა ვხვდები, რომ ადრე თუ გვიან ასე იქნებოდა, ამბობს ეკა ფანგანი, კარგია, რომ სერიოზული ნაბიჯის გადადგმის მერე არ მოხდა, რასაც ვგეგმავდით.
სერიოზულ ნაბიჯში ოჯახის შექმნას გულისხმობთ?
ბუნებრივია, ადამიანების ურთიერთობა ყოველთვის მაქეთკენ მიდის, მაგრამ სხვადასხვა მიზეზიდან გამომდინარე, ზუსტი თარიღი დაგეგმილი არ გვქონდა.
მესამე ადამიანი ხომ არ ჩადგა თქვენს შორის?
არა, უბრალოდ ინტერესების თანხვედრა არ მოხდა. ბოლოს სულ ვჩხუბობდით... არ მსურს დეტალებზე საუბარი. ერთმანეთთან ძალიან შეთავსებული წყვილებიც შორდებიან.
დღეს როგორი ურთიერთობა გაქვთ თქვენ და ბექას?
დღეს მასთან ურთიერთობა არ მაქვს. არ ვიცი, ოდესმე რა ურთიერთობა გვექნება. მე ჩემი გზა მაქვს და მას ალბათ თავისი.ყველაფერი დამთავრდა.
ანსაბლ "ალილოს" პროდუსერი იყავით, რომლის წევრიც ბექაა მათთან გააგრძელებთ ძველებურ ურთიერთობას?
ჯგუფის დანარჩენ წევრებთან ჩვეულებრივი ურთიერთობა მაქვს. ჩვენ არამხოლოდ საქმე გვაკავშირებს, პირველ რიგში, მეგობრები ვართ. არ მიფიქრია, მათ პროდუსერად დავრჩები თუ არა.შეიძლება მე თვითონ არ მომინდეს იმ საქმეში ჩარევა, სადაც ბექაა.
თქვენ პირად ცხოვრებაში ახალი ობიექტი ხომ არ ჩანს ჰორიზონტზე?
არა და ამის არანაირი სურვილიც არ მაქვს. დავრწმუნდი, რომ ბედნიერება თავისუფლებაშია.
