კეიტ მიდლტონი წლის ყველაზე ლამაზი ქალია +ფოტო

ჟურნალი „OK!“-ის აზრით, კეიტ მიდლტონი წლის ყველაზე ლამაზი ქალბატონია. გამოცემის ექსპერტები მიიჩნევენ, რომ პრინც უილიამის მეუღლეს მუდამ ელეგანტურად აცვია და მისი სამოსი იმ ღონისძიებას ყოველთვის შეეფერება, რომელსაც 31 წლის ჰერცოგინია სტუმრობს. „იგი ყოველთვის ელეგანტურია, ამასთან ძალიან ბუნებრივი, მდიდრული, მაგრამ მაინც არა მეფური“, - აღნიშნა ჟურნალის რედაქტორმა მარკ ფრენცის ვანდელიმ. თავად კეიტი საკუთარ სამოსზე არასდროს საუბრობს. მომავალი დედიკო უპირატესობას ხელმისაწვდომ ბრენდებს ანიჭებს, რის შემდეგაც მის მიერ შერჩეულ სამოსზე მაღაზიებში მოთხოვნა ასტრონომიული სისწრაფით იზრდება. მიუხედავად ამისა, ცოტა ხნის წინ ვივიენ ვესტვუდმა მიდლტონი გააკრიტიკა. დიზაინერის თქმით, ჰერცოგინია კოსტიუმებს ძალიან ხშირად იცვლის და სხვადასხვა ღონისძიებაზე ერთსადაიმავე სამოსს თითქმის არასდროს იცვამს.