მაფინები ალუბლით - ძალიან მარტივი რეცეპტი

საჭირო მასალა

2 კვერცხი
200 გრ შაქარი
200 გრ ფქვილი
150 გრ კარაქი
1 შეკვრა ვანილი
1 შეკვრა საცხობი ფხვნილი ან 1/2 ჩ.კ. სოდა
5 ს.კ. მაწონი
1 ჭიქა ალუბალი

მომზადება

კარაქი გავადნოთ, ალუბალს კურკები გამოვაცალოთ. კვერცხი და შაქარი ავთქვიფოთ, დავუმატოთ გამდნარი კარაქი, შემდეგ მაწონი. თუ სოდას ვიყენებთ, მაშინ მაწონში გავხსნათ და ისე დავუმატოთ მასას.

კარგად ავურიოთ, დავუმატოთ ვანილი, ფქვილი და საცხობი ფხვნილი. ბოლოს დავუმატოთ ალუბალი.

აირღუმელი გავახუროთ 180 გრადუსამდე. მაფინის ფორმებს შიგნიდან წავუსვათ კარაქი, მოვაფრქვიოთ ფქვილი, გადავიტანოთ ცომი და წინასწარ გახურებულ აირღუმელში შევდგათ.

მაფინები უნდა გამოცხვეს დაახლოებით 30 წუთის განმავლობაში.