იდეალური მკერდის შვიდი მტერი

ქალის მკერდის ნებისმიერ ფორმას თავისი თაყვანისმცემელი ჰყავს. ზოგს სავსე მკერდი მოსწონს, ზოგს კი პირიქით – პატარა, მაგრამ "იდეალური" მკერდის თემა აქტუალურობას არ კარგავს.

იმისათვის, რომ შეინარჩუნოთ მკვრივი მკერდი, მოერიდეთ მის 7 მთავარ "მტერს":

1. "არასწორი" ბიუსტჰალტერი. თუ ის ზედმეტად ვიწროა და მკერდზე მოჭერილია, სისხლის მიმოქცევა ფერხდება; ზედმეტად თავისუფალი კი ცუდად იჭერს მკერდს და ის დროთა განმავლობაში მოეშვება.

ბიუსტჰალტერზე უარის თქმა არ შეიძლება თუნდაც 1 ზომა მკერდის მფლობელთათვის. დიდი მკერდის პატრონები კი, თუ არ ჩაიცვამენ ბიუსტჰალტერს, კანი მასზე მოეშვება და მისთვის ელასტიკურობის დაბრუნება გაგიჭირდებათ.

2. სპორტი. უფრო ზუსტად კი, მკერდის "მოუწესრიგებლად" ხტუნვა ვარჯიშის დროს, რასაც ქსოვილების დაჭიმვა მოჰყვება. ვარჯიშის დროს რეკომენდებულია სპეციალური სპორტული ბიუსტჰალტერის გამოყენება.

3. ცუდი დგომის მანერა. მუდმივად მოხრილი ზურგი არც თქვენ მოგიხდებათ და არც თქვენს მკერდს. ამიტომაც შეეცადეთ, იაროთ გამართულებმა და არ მოიხაროთ.

4. პირდაპირი მზის სხივები. მკერდის კანი იმაზე მეტად მგრძნობიარეა, ვიდრე სახის. ამიტომაც ულტრაიისფერი სხივები დამღუპველია მისთვის. მკერდის თავების ირგვლივ ჩნდება ნაოჭები, დეკოლტეს ზონაზე კი – პიგმენტური ლაქები. ამიტომაც ნუ აჰყვებით მოდას და ნუ გაირუჯებით ამ ზონაში; სოლარიუმში სტუმრობისას კი აუცილებლად გამოიყენეთ დამცავი "სტიკერები" და ძლიერი Uf-ფილტრის მქონე კრემები.

5. წონის მკვეთრი ცვალებადობა. როცა რადიკალურ დიეტაზე ჯდებით, პირველ რიგში, მკერდის ცხიმოვანი ქსოვილი იწყებს წვას. ამიტომაც თქვენმა მკერდმა შეიძლება არა მარტო მკვეთრად "დაიკლოს წონაში", არამედ ჩამოიკიდოს და დაჭკნეს.

6. ცხელი აბაზანა. მკერდისთვის საერთოდ აკრძალულია მაღალი ტემპერატურა: ის პროვოცირებას უწევს ტონუსის დაცემას და კანის მოშვებას. თუ თქვენ ორთქლის აბაზანების მოყვარული ხართ, მაშინ შეეცადეთ, შემოიფარგლოთ 10-15 წუთით.

7. ორსულობა და ძუძუთი კვება. როგორც წესი, ორსულობისა და ძუძუთი კვების შემდეგ მკერდი ძველ სიმკვრივეს კარგავს, შეიძლება გაჩნდეს ნახეთქები კანზე; მაგრამ თუ ზედმიწევნით კარგად მოუვლით მას, მაშინ ეს უსიამოვნო ცვლილებები შეგვიძლია მინიმუმამდე დავიყვანოთ.

წყარო