ზოდიაზოს მიხედვით-მამაკაცი როგორ და რატომ ღალატობს

როგორ გგონიათ, არსებობს კი ბუნებაში ერთგული მამაკაცი? ან იქნებ თავად სიტყვა „ერთგულების“ არსი და მნიშვნელობა ესმის თითოეულ მათგანს სხვადასხვანაირად და თავისებურად? მოდით მამაკაცური ღალატის პრინციპებზე, მიზეზებზე და შედეგებზე ასტროლოგიური კუთხითაც ვიმსჯელოთ და გავიგოთ რა აიძულებთ ზოდიაქოს ნიშნებს უღალატონ ერთი შეხედვით იდეალურ და საყვარელ პარტნიორს .


როდის ღალატობს ვერძი

შეყვარებულ ვერძს ღალატზე ფიქრიც კი ამორალურად მიაჩნია, ამიტომ სანამ იგი ყურებამდე შეყვარებულია მისთვის ქალთა სქესის არსებობა გარშემო ბინდით მოცული ხდება. შესაბამისად მანამ, სანამ ვერძი საყვარელ ქალს ხელის გულზე ატარებს, საჩუქრებით ანებივრებს და მაქსიმალურ ყურადღებას უთმობს, მის ერთგულებაში ეჭვი არავის უნდა შეეპაროს. პრობლემები მაშინ იწყება, როცა თქვენი მარსიანელი ბიჭი მოულოდნელად მსოფლიო-ლამაზმანების მომხიბვლელობას აღმოაჩენს და აღნიშნავს. ამიტომ დღეს თუ იგი ანჯელინა ჯოლით ან ენ ჰეტუეით დაინტერსდა, მეზობლის ირინკამდე სულ ორი ნაბიჯია. ხოლო თავად ღალატის ფაქტის შესახებ ინფორმაციას თავად ვერძისგანვე მიიღებთ ექსკლუზიურად, როგორც წესი ზოდიაქოს ამ ნიშნით დაბადებულ მამაკაცებს ტყუილის თქმა გულზე არ ეხატებათ და დიდად არც გამოსდით. აქედან გამომდინარე, თუ თქვენ გადამეტებული წუწუნით და ჭკუის სწავლებით, ცხოვრებას ჯოჯოხეთად არ უქცევთ, ვერძის მხრიდან ღალატის ალბათობა ნაკლებად მოსალოდნელია. თუმცა თუ მაინც ასე მოხდა, მერწმუნეთ ამას პირველი თავად შეგატყობინებთ და დიდად არც იმაზე შეიწუხებს თავს, რას იგრძნობთ ამ დროს თქვენ, რადგან ჩათვლის რომ „შეცდომა“ ხართ მის ცხოვრებაში, თუმცა ამ დროს არც კი დაფიქრდება იმაზე, რომ ის ვისთანაც გიღალატათ, შესაძლოა სამომავლოდ, „ორმაგი შეცდომა“ აღმოჩნდეს მისთვის.


როდის ღალატობს კურო

სტაბილურობის მოყვარულ კუროს, როგორც წესი იშვიათად უწევს გული საყვარელი ქალის ღალატისკენ. ამიტომ თუკი თქვენ მოულოდნელად აღმოაჩინეთ, რომ კუროსთვის იმ „ერთადერთის და განუმეორებლის“ სტატუსზე პრეტენზიას სხვა ქალებიც აქტიურად აცხადებენ, ეს იმას ნიშნავს, რომ თავიდანვე „სათადარიგოთა“ რიგებში განიხილავდა ეს მამაკაცი თქვენს კანდიდატურას. ყოველივე ამის მიხვედრას კი დიდი გამომძიებლობა და შერლოკ ჰოლმსობა სულაც არ დასჭირდება თქვენი მხრიდან, თუკი მამაკაცი კურო საყვარელი ქალის პერსონის მიმართ გადამეტებულ ინტერესს არ იჩენს, ასე ვთქვათ „ლუპით არ აკვირდება“ ამ უკანასკნელის ქცევებს, შეხედულებებს და ზოგადად ცხოვრების სტილს, არ ცდილობს რჩევა-დარიგებებით ჩაერიოს მის ცხოვრებაში და მოითხოვოს მისგან გამუდმებული ყურადღება, ეს იმას ნიშნავს რომ მისთვის ეს ქალი ცხოვრების ნაწილს არამც და არამც არ წარმოადგენს. ამასთან ერთად, სამართლიანობა მოითხოვს ისიც ავღნიშნოთ, რომ კურო მამაკაცს (ზოდიაქოს სხვა ნიშნის წარმომადგენელი მაჩოებისგან განსხვავებით) სულაც არ ეამაყება მრავალრიცხოვანი, გულგატეხილი თაყვანისმცემლების არმიის ყოლა ცხოვრების გზაზე. ეს ხომ იმას ნიშნავს, რომ მან ჯერ კიდევ ვერ შესძლო ეპოვნა ის ერთადერთი, რომელთანაც მშვიდი, მყუდრო ოჯახის შექმნა და ბედნიერი ცხოვრების მოწყობა შეიძლება პენსიის ასაკამდე.


როდის ღალატობს ტყუპები

არასტაბილური ტყუპების მხრიდან კი, ღალატის ფაქტის დამამტკიცებელი ყველაზე მყარი არგუმენტი ეს მისი ხასიათის მოულოდნელი და საეჭვო დასტაბილურებაა. თუკი აქამდე იგი, თითქმის ყოველ დღე გაკვირვებდათ საკუთარი არაორდინალურობით და ნაირ-ნაირი (ხანდახან არცთუ სასიამოვნო) სიურპრიზებით, სწორედ ეს იყო მისი მხრიდან თქვენს მიმართ, უდაო სიყვარულის მტკიცებულება. რადგან ზუსტად ამ გზით ცდილობდა ის, მხოლოდ თქვენთვის გაეზიარებინა თავისი ოცნებები, იდეები და გეგმები. ხოლო თუკი მოულოდნელად აღმოაჩენთ, რომ იგი სერიოზული, ზედმეტად „ნორმალური“ და პატიოსანი გახდა, ჩათვალეთ რომ მან საკუთარი იდეების აფიშრებისთვის, გაცილებით უფრო საინტერესო, ახალი აუდიტორია იპოვნა სხვა მანდილოსნის სახით. თუმცა თუ მსგავსი სიმპტომები სახეზეა, ნაჩქარევი დასკვნების გამოტანას მიანც ნუ იჩქარებთ, რადგან გამორიცხული არაა პრობლემა ღალატში კი არა იმაში მდგომარეობდეს, რომ თქვენი თავქარიანი ტყუპი უბრალოდ გადაიღალა ამდენი ტაკიმასხარობისგან და ძალებს იკრებს სიმშვიდეში, მომავალი ტრიუკების ჩასატარებლად. 

როდის ღალატობს კირჩხიბი

ტიპიურ კირჩხიბს, საყვარელი ქალის ღალატი საკმაოდ ძნელად ეხერხება. პირველ რიგში იმიტომ, რომ მას ძალიან უნდა „სანიმუშო მეოჯახის“ როლი რაც შეიძლება ხანგრძლივად და ამაყად ატაროს. ამასთან ერთად, კიბოზე უკეთ არავის ესმის ღალატით მიყენებული ტკივილის არსი და რაობა. შესაბამისად იგი მაქსიმალურად ერიდება, სხვასაც მიაყენოს მსგავსი დისკომფორტი, თუმცა თუკი მაინც ისე მოხდა რომ დაკავებულ კირჩხიბ მამაკაცს, რაღაც საშინელი, „ფატალური სიყვარული“ დაეჯახა ცხოვრების გზაზე, საწყის ეტაპზე იგი ბევრს ინერვიულებს და შეეცდება შექმნილ სიტუაციაში, რაც შეიძლება მეტი თავის გასამართლებელი საბუთი მონახოს დანაშაულის ე,წ „Femme fatale“-სთვის გადასაბრალებლად. სავარაუდო ღალატის სიმპტომებს კი კიბოს მხრიდან, ამ ცხოვრების უსამართლობაზე და ზოგადად ადამიანთა მოდგმის სიმუხთლეზე ფილოსოფიური საუბრების სიხშირით მიხვდებით.