თათული ბართაიას ქართულ მხატვრულ ფილმში იღებენ
2 057 ნახვა
"ყველა სიახლის" სპეციალურ კორესპონდენტს ავსტრალიაში, მოდელსა და მსახიობ თათული ბართაიას ქართულ ფილმში იღებენ. თათულიმ შეგვატყობინა, რომ უახლოეს ხანში თბილისში ჩამოვა. რეჟისორმა გიორგი კაჭარავამ ის თავის ახალ მხატვრულ ფილმში მიიწვია. ფილმს "ცისფერი მგლები" ჰქვია და თათული ერთ-ერთ მთავარ გმირს - ანას განასახიერებს.
თათული ბართაია: - თბილისში 10 აპრილს უნდა ჩამოვფრენილიყავი, მაგრამ ამ შემოთავაზებამ გეგმა შემიცვალა. ბილეთი პირველი აპრილის რეისზე გადავცვალე, ასე რომ, სულ მალე გინახულებთ. ამ დღეებში ფილმის სცენარსაც გამომიგზავნიან, დავასრულე მუშაობა წიგნზე - "ავსტრალია-საქართველო". ასე რომ, "ყველა სიახლის" შემდეგ ნომერში ყველაფერზე დაწვრილებით გიამბობთ და ეს ჩემი ბოლო მასალა იქნება ავსტრალიიდან.
ირმა ხარშილაძე
ყოველკვირეული გაზეთი "ყველა სიახლე"
