X
  • როგორ ავირჩიოთ მამაკაცი ხელმეორედ?

    ახალი ნაცნობობა, მოლოდინი, ოცნება და .... ისევ განშორება. ზოგიერთი ქალბატონი სურვილის მიუხედავად, ვერ ახერხებს ოჯახის შექმნას. მიზეზი?? ქალები ოცნებობენ ისეთ ადამიანს შეხვდნენ, რომელიც მათ გვერდით იქნება მთელი ცხოვრება.


    თუმცა სამწუხაროდ ცხოვრების თანამგზავრს ვხატავთ არა იმ ფერებში, რომლებსაც ის იმსახურებს, არამედ გონებაში არსებული სტერეოტიპების მიხედვით. რაც ამახინჯებს რეალურ სურათს, გვაიძულებს სიყვარულის ილუზია დავიჯეროთ.

    თითქმის ყველა ქალი ცხოვრებაში ერთხელ მაინც შეხვედრილა „შეუფერებელ“ მამაკაცს. თუმცა მხოლოდ მათი ნაწილი აკეთებს დასკვნებს, აცნობიერებს, რომელი ტიპის პარტნიორის უნდა
    მოერიდოს, ხოლო ნაწილი კი ჯიუტად იმეორებს იმავე შეცდომას. ასეთი საქციელის მიზეზი იმალება ქალების ქვეცნობიერში.


    ერთი მხრივ მას სურს მამაკაცთან სიახლოვე, ისწრაფვის მისკენ, მეორე მხრივ კი ეს ასე არ არის.


    სადღაც ღრმად, მის ცნობიერებაში არსებობს სერიოზული ურთიერთობის და ოჯახის შექმნის შიში. სწორედ ის მართავს ქალების ქცევას და უბიძგებთ მათ შეიყვარონ ის, ვინც არ უნდა შეიყვარონ.


     


    იგივე შინაგანი შიში აიძულებთ მათ მოიქცნენ ნორმალური ურთიერთობის საზიანოდ.
    წარსულის გამოძახილი
    ახლო ურთიერთობის შიშის მიზეზი რამდენიმე არსებობს:
    -მშობლების ოჯახში არსებული პრობლემა- ოჯახური სკანდალები, მამის უხეშობა. მოზრდილი ქალს უკვე ეშინია მსგავსი სცენარის საკუთარ ოჯახში გამეორების.


    -მოზარდობისას არსებული კომპლექსი. აზრები „მე სიყვარულის ღირსი არ ვარ, „არ შემიძლია კარგი ურთიერთობის ჩამოყალიბება“, „არავის ვაინტერესებ“-ხელს უშლის მამაკაცის მიმართ ინტერესის გაჩენას.



    - ადრეულ ასაკში განცდილი მარცხი სიყვარულში, რასაც უმრავლესობა მსუბუქად ივიწყებს, მხოლოდ ზოგიერთი ადამიანის სულში ის ტოვებს მოუშუშებელ იარას, რაც ხელს უშლის მომავალ სიახლოვეს.


     


    -ხანგრძლივი ურთიერთობა, რომელიც პარტნიორის ინიციატივით დასრულდა.


     


    მსგავსი სიტუაციიდან დასკვნა ასეთია: „არ არის ურთიერთობა, არ არის პრობლემა, მამაკაცების გარეშე ფსიქოლოგიური უსაფრთხოების ზონაში ვარ“.
    „ცუდი ბიჭები“
    ქალები, რომლებიც ქვეცნობიერად ესწრაფვიან „უსაფრთხო“, სულიერი კომფორტის გარეშე ურთიერთობას, რომელიც არ წარმოშობს სიყვარულს და არ სრულდება ოჯახის შექმნით, ყოველთვის ირჩევენ შეუფერებელ პარტნიორს.


     


    ეს შესაძლოა იყოს დაქორწინებული მამაკაცი- რაც უფრო მიუწვდომელია ის და მყარია მისი ქორწინება, მით
    უფრო ძლიერია მასთან ყოფნის სურვილი, რადგან გულის სიღრმეში დარწმუნებული ხართ, რომ ურთიერთობა სახიფათო არ იქნება.
    ქალებს, რომლებიც არ ემზადებიან სერიოზული
    ურთიერთობისთვის, ადვილად უყვარდებათ მიუწვდომელი იდეალები: ესტრადის ვარსკვლავები, ლექტორები, მკურნალი ექიმები, ინტერნეტ-მეგობრები, რომლებიც მოშორებით
    ცხოვრობენ, ასევე ასოციალური ელემენტები-ალფონსები, ლოველასები, აგრესორები.
    ზოგჯერ ასეთი ქალები ხვდებიან შესაფერის მამაკაცს, მაგრამ ხელს კრავენ მას.


    რა უშლის ხელს მოსალოდნელ ბედნიერ მომავალს? რა არღვევს
    ურთიერთობას?
    სკანდალები და ჟინიანობა-უკომპრომისო საქციელი, პარტნიორის ინტერესების გაუთვალისწინებლობა, რასაც თან სდევს ნეგატიური ემოციები. ამას მამაკაცი დიდხანს ვერ მოითმენს.
    შებოჭილობა, ზედმეტი სიამაყე, სიცივე, შეუვალობა-ყინულის
    გალხობის რამდენიმე მცდელობის შემდეგ კავალერს უქრება თქვენი გულის დაპყრობის იმედი და გტოვებთ. მას არ სჭირდება თოვლის დედოფალი.
    დაჟინებული მეურვეობა და კონტროლი-ქალი იკავებს
    „დედიკოს“ პოზიციას, თუმცა მამაკაცს არ სურს „შვილის“ მდგომარეობაში ყოფნა, ურთიერთობა თანდათან იშლება.
    აგრესია- ვერ თოკავთ ყვირილის და ცემის სურვილს. რომანი
    გრძელდება, სანამ თავშეკავება არ გიღალატებთ.
    ეჭვიანობის გაღვიძება და ღალატის დემონსტრირება. ამგვარად მყარ ურთიერთობას ვერ ჩამოაყალიბებთ.
    როგორ მოიქცეთ?
    ნაბიჯი 1-წარმოიდგინეთ, რომ იმედგაცრუება გამოწვეულია შინაგანი შიშით, მოიშორეთ აზრი, რომ ყველაფერში მართალი ხართ,
    უთანხმოების მიზეზი მშვიდად მოიძიეთ.
    ნაბიჯი 2-გაანალიზეთ ეს მიზეზი, საიდან გაჩნდა პრობლემა, წარსულში რა გახდა მისი წარმოქმნის საფუძველი. გადახედეთ სხვადასხვა პარტნიორებთან ურთიერთობას, აღმოაჩენთ, რომ მათში ერთიდაიგივე სცენარი მეორდება და გააკეთეთ დასკვნები
    ნაბიჯი 3- შეცვალეთ მოვლენების ტრადიციული განვითარება. შეცდომის არსში გარკვევის შემდეგ იმოქმედეთ, თუმცა მკაცრად გააკონტროლეთ თავი და აირჩიეთ ურთიერთობის მოგვარების სხვა გზა.
    თუ თავად ვერ ახერხებთ წარუმატებელი ურთიერთობის
    შიშის დაძლევას, დახმარებისთვის მიმართეთ ფსიქოლოგს.

    3 372 ნახვა
    23-12-2016, 15:37
    GOGATV