პიცა 1000 დოლარად

მსოფლიოში ყველაზე ძვირადღირებული პიცა, რომელიც ნიუ იორკში დაამზადეს, უკვე იყიდება და 1000 დოლარი ღირს.

პიცის შექმნის იდეა იტალიელ ნინო სელიმაჟს ეკუთვნის. სათანადო ინგრედიენტების ძიებას პიცერიის მეპატრონემ ერთი წელი მოანდომა. საბოლოოდ ის 4 სხვადასხვა სახის ხიზილალაზე, კიბოს კუდსა და ვასაბიზე შეჩერდა. პიცას ოთხ ნაჭრად ჭრიან და თითო ნაჭერი 250 დოლარად იყიდება. აღსანიშნავია, რომ თითოეული ნაჭერი განსხვავებული სახეობის ხიზილალას შეიცავს.

სელიმაჟი აღიარებს, რომ მისი რეცეპტით შექმნილი პიცა ყველასთვის ხელმისაწვდომი არ არის.