ჰოლივუდში მოღვაწე ქართველი ვარსკვლავი დაინიშნა

ქართველი მსახიობის  ელენე სატინი-სხირტლაძის რჩეული ამერიკული როკ-ბენდის The All-American Rejects-ის წევრი, ვოკალისტი და გიტარისტი ტაისონ რიტერია. წყვილის ოფიციალურმა წარმომადგენელმა ინფორმაცია ჟურნალ People-ს უკვე დაუდასტურა.

"როდესაც ელენეს ხელი ვთხოვე, ტირილი დაიწყო. ცოლობა სახურავზე ვთხოვე. ბედნიერი ვარ, რომ როგორც იქნა, ჩემი პატარძალი ვიპოვე. ყველას დიდი მადლობა მოლოცვისთვის", - განაცხადა ტაისონმა ჟურნალ People-სთვის მიცემულ ინტერვიუში.

ელენემ "ტვიტერზე" ფოტო ატვირთა, სადაც მის თითს უზარმაზარი ბრილიანტის ნიშნობის ბეჭედი ამშვენებს. მსახიობმა ფოტოსურათს ასეთი წარწერა დაურთო - "მომავალი მისის რიტერი".

მომზადებულია People-ის მიხედვით.