ქეთა თოფურია და ლევ გეიხმანი ქორწილს უცხოეთში გადაიხდიან

რუსეთში მოღვაწე  ჯგუფ "ა-სტუდიოს"  სოლისტი, 26 წლის ქეთა თოფურია და მისი რჩეული ებრაელი ბიზნესმენი ლევ გეიხმანი ქორწილს უცხოეთში გადაიხდიან.

მომღერალის თქმით, მათი ქორწილი ეროვნული ტრადიციებით არ გაიმართება. თოფურია ამბობს, რომ საქმრო დიდ ქორწილზე ოცნებობს, მას კი პატარა დღესასწაული ურჩევნია.

"დიდი წვეულებები სხვებისთვისაა. ყველა ერთობა, შენ კიდევ დარბიხარ და ღელავ. ვფიქრობ, ჩვენი ქორწილი ტრადიციული არ იქნება. უბრალოდ მეგობრების ვიწრო წრესთან ერთად საზღვარგარეთ წავალთ, რომ მეც გავერთო", -ამბობს მომღერალი.

მომღერალი ქორწილში მოკრძალებულ, მაგრამ ცნობილი დიზაინერის შექმნილ კაბას ჩაიცვამს.

"დიდი საქორწინო კაბა ყოველთვის მინდოდა, მაგრამ ახლა მივხვდი, რომ შედარებით მოკრძალებული კოქტეილის კაბა მირჩევნია, ვისურვებდი Bessarion-ის ან Elli Saab-ის კაბას, აუცილებლად ფატით",- ამბობს ქეთა.

მომზადებულია shoowbiz.ru-ს მიხედვით.