რამ გაანაწყენა ორსული ნინი ბადურაშვილის ქმარი და რატომ გადაწყვიტა მომღერალმა საქართველოში მშობიარობა?

პოპულარული ქართველი მომღერალი ნინი ბადურაშვილი რამდენიმე თვის წინ გათხოვდა. ალბათ ყველამ იცით, რომ მისი რჩეული რუსეთში მოღვაწე ქართველი ბიზნესმენი ირაკლი კუტალაძეა. მომღერალმა გრანდიოზული ქორწილი გადაიხადა და საცხოვრებლად მოსკოვში გადავიდა. ნინის გათხოვება საზოგადოების ერთ-ერთ მნიშვნელოვან თავსატეხად იქცა. ზოგს გულით გაეხარდა მომღერლის დაოჯახება, ზოგმა კი ნინი ანგარებიან ქალად მონათლა და მისი გათხოვება ქმრის ქონებას დაუკავშირა. ეს ყველაფერი როდია, ჟურნალმა "რეიტინგმა" წყვილს ურჩხული და მზეთუნახავიც კი უწოდა. უკვე თვეებია უამრავი ბოროტი ჭორი ვრცელდება.

ნინიმ რამდენჯერმე აღნიშნა, რომ ირაკლი ჭორება ძალიან გაანაწყენა. ის პოპულარული სახე არასდროს ყოფილა, ჭორების ქარ-ცეცხლში არასდროს გახვეულა და ძალიან გაუჭირდა უეცრად ამდენი ბოროტი აზრის მოსმენა, ვერ გაიგო რა დააშავაო. სულ ცოტა ხნის წინ გავრცელებული ჭორის თანახმად ნინი ბადურაშვილი ქმარს გაშორდა-ამ ჭორმა თურმე ირაკლი განსაკუთრებით გაანაწყენა, მაგრამ რას იზამს, ვის მოედავება.
ნინი ახლა საქართველოშია, პროექტ "საქართველოს ვარსკვლავის" ჟიურის წევრია. მომღერალს ძალიან უნდოდა მშობიარობის შემდეგ დედა გვერდით ჰყოლოდა. რუსეთ-საქართველოს შორის დაძაბული ურთიერთობის გამო ეკა დიდი ხნით ნინის ვერ ჩააკითხავდა მოსკოვში და თან ანასტასიაც (ნინის და) სულ მალე დედა გახდება. (გოგონებს დაახლოებით ერთდსროულად უწევთ მშობიარობა.) ამ ყველაფრის გამო მომღერალს გადაწყვეტილი ჰქონდა აპრილში საქართველოში დაბრუნება და აქ მშობიარობა. როდესაც ნინიმ "რუსთავი 2"-სგან შემოთავაზება მიიღო მაშინვე დასთანხმდა. ირაკლი ამ ყველაფერს გაგებით მოეკიდა და მეუღლე საქართველოში გამოუშვა. ის თბილისს ხშირად სტუმრობს.

წყარო