ანფისა ჩეხოვა გურამ ბაბლიშვილს ცოლად არ მიჰყვება

რუსი ტელეწამყვანი, ანფისა ჩეხოვა შეყვარებულზე, რუსეთში მოღვაწე ქართველ მსახიობ გურამ ბაბლიშვილზე გათხოვებას არ აპირებს. ამის შესახებ ტელეწამყვანმა ერთ-ერთ ინტერვიუში განაცხადა.

"გათხოვება მიზნად არასდროს მქონია, ახლა კი ამისთვის ნამდვილად არ მცალია. ერთი წელია ბინას ვეძებ, როგორც კი ვიპოვი, ბუდის შენებას დავიწყებ. ეს ბევრ ძალასა და დროს მოითხოვს, რა დროს ქორწილია...",- განაცხადა ანფისამ.

ჩეხოვას თქმით, ყველა პატარძალი, რომელიც მას უნახავს, მზადებამ იმდენად გამოფიტა, რომ  "ზომბივით გამოიყურებოდა".

"ამ წლის განმავლობაში დაქალების არაერთ ქორწილში ვიყავი. ერთ-ერთი უკვე განქორწინდა, მეორე ამბობს, რომ ახლა მისი ცხოვრება რადიკალურად შეიცვალა და რომ ადრე ყველაფერი გაცილებით რომანტიული იყო. მყარი ქორწინება არც ისე ბევრია, ქორწილი კი უბრალოდ დიდი დღესასწაულია",- განაცხადა მან და დასძინა რომ მისი და გურამის დაქორწინების შემთხვევაში ორი ქორწილის - რუსულის და ქართულის გადახდა მოუწევთ.

"ჩვენ როგორც გვინდა, ისე ვცხოვრობთ და არაფერს ვაკეთებთ მხოლოდ იმიტომ, რომ ვალდებულები ვართ. ბედნიერებისთვის რეესტრში გაქცევა არ გვჭირდება",- ამბობს ანფისა.

რაც შეეხება მის შეყვარებულს, ჩეხოვამ აღიარა, რომ ჯერ კიდევ ბავშვობაში დედას შეპირდა, რომ ცოლად ქართველს გაჰყვებოდა. "სპეცილურად არ ამომირჩევია, უბრალოდ ისე დაემთხვა, რომ ქართველი შემიყვარდა. მომწონს ქართული კულტურა და ქართული ნადიმი, სადაც სიმღერები და ლამაზი სადღეგრძელოები ჟღერს. მოხიბლული ვარ გურამის ოჯახისადმი ერთგულებით და იმით, რომ ბავშვს საკუთარი ფესვებისა და ენის სიყვარულს უნერგავს",- მოყვა ანფისა.

მიუხედავად ამისა, ზოგიერთ საკითხებზე წყვილს შეთანხმება მოუწია. "მე ავუხსენი, რომ სხვანაირ ოჯახში ვიზრდებოდი. დედაჩემი ბავშვობიდან არ მინერგავდა, რომ მამაკაცი ავტორიტეტია. გურამი კი თვლის, რომ მამაკაცი - ლიდერია, რომელიც გადაწყვეტილებას იღებს და ქალი მას მიჰყვება. ვერ ვიტყვი, რომ დავექვემდებარე, ვფიქრობ ეს საჭირო არცაა", - განაცხადა მან.

ბოლოს წყვილი შეთანხმდა, რომ გადაწყვეტილებებს გურამი მიიღებს, მაგრამ მას აუცილებლად ანფისასთან განიხილავს.

ჩეხოვამ აღნიშნა, რომ გურამი ვაჟის, სოლომონის აღზრდაში ეხმარება.

"ზოგიერთ ქალს ბავშვის მამაკაცთან დატოვების ეშინია, მე კი ეს პრობლემა არ მაქვს. გურამს შეუძლია ბავშვს აჭამოს, ეთამაშოს და საფენიც კი გამოუცვალოს, მაგრამ არ შეკერავს ან გარეცხავს. იგი შესანიშნავად ამზადებს, სანამ მე სოლომონს ვაჭმევ, საუზმეს თავად აკეთებს.

მე და გურამი ბავშვზე ძალიან ჰარმონიულად ვზრუნავთ, ამასთან ერთმანეთიც არ გვავიწყდება. რადგან, გარდა იმისა, რომ მშობლები ვართ, პირველ რიგში ქალი და მამაკაცი ვართ, ამიტომ მარტო ყოფნის დრო ყოველთვის გვაქვს",- განაცხადა ანფისამ.

უახლოეს მომავალში წყვილი დასასვენებლად წასვლას და ბავშვის ბებიებთან დატოვებას აპირებს.

მომზადებულია starslife.ru-ს მიხედვით.