დამტკიცებულია: ღალატი მამაკაცს კლავს!
მეცნიერები მამაკაცებს მოუწოდებენ, მანამ მეუღლეს უღალატებდნენ, კიდევ ერთხელ დაფიქრდნენ, რა შედეგი შეიძლება ამას მოჰყვეს. კვლევებმა აჩვენა, რომ მოღალატისთვის ერთგულების ფიცის დარღვევა შეიძლება სასიკვდილო აღმოჩნდეს!
ამერიკულმა კარდიოლოგიურმა ასოციაციამ (American Heart Association) გამოაქვეყნა სტატისტიკური მონაცემები, რომლის თანახმადაც, მამაკაცების უმრავლესობა, რომლებიც სქესობრივი აქტის დროს გარდაიცვალნენ, სექსით ცოლთან არ იყვნენ დაკავებულნი.
გაკვეთის ანალიზებმა აჩვენა: 5559-დან 34 შემთხვევაში გარდაცვალება სექსობრივი აქტის დროს დაფიქსირდა. აქედან 93% მამაკაცები იყვნენ. ამასთან, მათგან 75% თავისი მეორე ნახევრის ღალატის დროს დაიღუპა, - წერს Global News-ი.
გამოვლენილ იქნა კიდევ ერთი კანონზომიერება. გარდაცვლილი მამაკაცების უმეტესობას შეტევის დროს ახალგაზრდა ქალთან ჰქონდა ინტიმური კავშირი, სექსამდე მიღებული ჰქონდა დიდი რაოდენობით ალკოჰოლი და საკვები; ერთი სიტყვით, უჩვეულო ატმოსფეროში იმყოფებოდა.
შეგახსენებთ, რომ ადრე ლონდონის უნივერსიტეტის მეცნიერებმა დაადგინეს, რომ ჭკვიანი მამაკაცები უფრო მეტად არიან მონოგამიურობისკენ მიდრეკილები, ვიდრე დანარჩენები. თავის მხრივ, მკვლევარების ჯგუფმა, იორის ლამერსის ხელმძღვანელობით, დაადგინა, რომ ღალატის ალბათობა ადამიანის ნებისყოფის სიმტკიცესა და რისკის გაწევისკენ მიდრეკილებაზეა დამოკიდებული და არა მის სქესზე.
სექსოლოგები კი თვლიან, რომ მამაკაცისთვის ღალატი აუცილებელია: მისი ორგანიზმი მუდმივ პარტნიორთან ურთიერთობის შემთხვევაში ერექციის ბუნებრივი სტიმულატორების ბიოქიმიურ შემადგენლობას ეჩვევა და ერექცია სუსტდება. ხოლო ახალ პარტნიორთან სექსის შემდეგ ერექტიკული ფუნქცია უმჯობესდება.
