რა საერთოა ქალს და კაცს შორის!

ყველა ცდილობს, ქალებისა და მამაკაცების სურვილებსა და გემოვნებაში მეტი სხვაობა აღმოაჩინოს, რომ ის განხეთქილება ახსნას, რომელიც ხანდახან მოსიყვარულე თუ დამეგობრებულ წყვილებს შორის არსებობს. სინამდვილეში, ადამებსა და ევებს შორის საერთოც ბევრია და ეს საერთო გადააქცევს მათ შესაფერ, ახლო და ბედნიერ წყვილებად. ბევრი რამ, რასაც მამაკაცები მხოლოდ ძლიერი სქესის დამახასიათებლად თვლიან, ქალებისთვისაც მისაღები და საყვარელიც კი არის:

1) ჩვენც შემფასებელი მზერით ვუყურებთ ქალებს. უბრალოდ, მოტივია თქვენგან განსხვავებული.

2) პრინციპში, ფეხბურთი ჩვენც გვიყვარს, უბრალოდ, არ მოგვწონს, თქვენს თავს რომ გვართმევს.

3) ჩვენც ვიცით ზოგი კაცური სიტყვის შინაარსი, მაგ. “აპერკოტი” თუ “ფორვარდი”.

4) საყვარელი საქმე, რომელშიც წარმატების მიღწევა გვსურს, ჩვენც გვაქვს.

5) ყვირილზე, ისტერიკასა და ცრემლებზე არც ჩვენ ვგიჟდებით. თუ არავინ გაგვანაწყენებს, არც ჩვენს ცრემლს შენიშნავდა ვინმე.

6) გულის სიღრმეში, ჩვენც ვთვლით, რომ ქალი - სუსტი სქესია. გამოვიყენებთ კიდეც ამ სისუსტეს იმისთვის, რომ თქვენ იგრძნოთ თავი ძლიერებად და ძლევამოსილებად.

7) ჩვენც გვეშინია ისეთი მაგიური სიტყვის, როგორიცაა - “მიყვარხარ”.

8) არც ჩვენ მოგვწონს კოცნა, როცა ტუჩებზე ტუჩსაცხის ბარაქიანი მარაგია.

9) ხანდახან გაჩუმება ჩვენც მოგვწონს. მანიკიურსაც რომ ვიკეთებდეთ, მოსმენა მაინც ვიცით.

10) სხეულის გარდა, ჩვენც გვაქვს ტვინი. თანაც, მეცნიერებმა დაადგინეს, რომ ნაოჭი მასში იმდენივეა, რამდენიც თქვენსაში.

11) სწრაფი კვება ჩვენც გვიყვარს.

12) სექსის შემდეგ ჩვენც გვეძინება.

13) ძალიან ბევრ ჩვენგანს უყვარს ლუდის ბოთლის თუ თამბაქოს “თანხლებით” ჭორაობა და ლაპარაკი, თანაც მხოლოდ ძონძებზე - არა. ჩვენთვისაც არსებობს უფრო გლობალური და საინტერესო საკითხები.

14) ვერც ჩვენ ვიტანთ უხეშ კრიტიკასა და საყვედურებს და ტყუილად ამბობთ, რომ ყველა კამათი და ჩხუბი ჩვენგან მოდის.

15) ჩვენც ვხვდებით, რომ სექსი და სიყვარული სხვადასხვა რამეა.

16) კომპიუტერული თამაშები ჩვენც მოგვწონს.

17) არც ჩვენ ვგიჟდებით ჭურჭლისა და სარეცხის რეცხვაზე და დალაგებაზე, მაგრამ ეს აუცილებელია და ვაკეთებთ.

18) დედა ჩვენც ძალიან გვიყვარს, უბრალოდ ხანდახან მამასთან უფრო ვმეგობრობთ.

19) ჩვენც უაზრობად ვთვლით მილიონების ბრილიანტებში ხარჯვას.

20) დღესასწაულზე საყვარელი ადამიანისთვის საჩუქრის შერჩევა ჩვენც გვიჭირს.

21) ჩვენც შეგვიძლია მეგობრობა და მეგობრობის დაფასება.

22) საშინელებათა ფილმები ჩვენც მოგვწონს, მაგრამ მაშინ - არა, როცა დაძინებას ვცდილობთ.

23) არც ჩვენ გვიყვარს, რომ გვაკონტროლებენ და არ გვენდობიან, არც თქვენი შეტყობინებების წაკითხვა მოგვივა აზრად, თუ თქვენ იმავეს არ გააკეთებთ.

24) ჩვენც მოგვწონს, როცა სადილს, საუზმეს, თუ ვახშამს საყვარელი ადამიანი გვიკეთებს. ძალიან გემრიელიც რომ არ გამოვიდეს და ვერ შეჭამო, თვითონ ფაქტია სასიამოვნო.

25) ფული ჩვენც გვიყვარს, მაგრამ ეს არ არის მთავარი კრიტერიუმი თქვენი გაცნობისას. უბრალოდ, ფულის არსებობა ძლიერ სქესს კიდევ უფრო ძლიერს და საკუთარ თავში დარწმუნებულს ხდის – ეს თვისებები კი გვიზიდავს.

26) დაკავებული ჩვენც ვართ ხოლმე, თანაც მხოლოდ ვარცხნილობითა და შოპინგით – არა.

27) მბრძანებლობა მოგვწონს.თქვენ რომ მბრძანებლობთ, ესეც გვსიამოვნებს.

28) ჩვენც გვიყვარს კითხვა.

29) პარსვა არც ჩვენ გვიყვარს, მით უფრო, რომ “გასაშიშვლებელი ფართობი” ჩვენს სხეულზე თქვენსაზე გაცილებით დიდია.

30) ჩვენც მოგვწონს დაპირებები, მით უფრო ცარიელი.

31) არც ჩვენ ვგიჟდებით იმაზე, რომ თვიური გვაქვს.

32) პარაშუტიდან გადმოხტომა ჩვენც გვინდა, უბრალოდ, გვეშინია.

33) უხამსი ანეგდოტები არც ჩვენ გვძულს, უბრალოდ, მათ მოყოლას, მოსმენა გვირჩევნია.

34) ჩვენც გვსიამოვნებს, ლამაზი ტეთრეული რომ გვაცვია. თქვენ რომ გაცვიათ- ეგეც მოგვწონს.

35) ხანდახან გავიწყდებათ დღესასწაულზე ყვავილების მოტანა და მოძღვნა. ჩვენც ცუდი მეხსიერება გვაქვს. თანაც უფრო მეტად ის გვსიამოვნებს, როცა ყვავილებს უმიზეზოდ გვჩუქნით.

36) ჩვენი თავისუფლება ჩვენც მოგვწონს.

37) უაზრო, არაფერზე საუბარი არც ჩვენ გვიყვარს.

38) საწოლში მორთმეული ყავის წინააღმდეგი არც ჩვენ ვართ.

39) ჩვენც ვჭორაობთ. ჩვენს მიღწევებსაც ვაბუქებთ ხანდახან, თქვენსასაც, სხვათა შორის.

40) საკუთარ თავთან განმარტოება ჩვენც გვინდა ხოლმე და ეს სულაც არ ნიშნავს, რომ თქვენთან მოგვწყინდა.

41) ჩვენც გვიყვარხართ, უბრალოდ, ამაზე პირველები არ ავლაპარაკდებით.

42) ჩვენც წამოვალთ თქვენს დედასთან სტუმრად. ის მოგვწონს, ამაზე ყოველთვის ვლაპარაკობთ, თუმცა, სინამდვილეში, ასე ხშირად არ ვფიქრობთ.

43) მაღალი ხელფასი და ფულის შოვნა ჩვენც მოგვწონს, მაგრამ ამ საქმეში თქვენზე მეტი წარმატების მიღწევას არ ვცდილობთ.

44) თქვენ რომ ფორმაში ხართ და მუცლის პრესი მუცელზე მკვეთრად ჩანს, ჩვენც მოგვწონს.

45) ჩვენც, თქვენსავით, განსხვავებულები ვართ, და არ გვიყვარს, როცა ყველას ერთ “ტაფაში გვწვავენ”.