ალა პუგაჩოვამ დაბადების დღე ქმრებთან ერთად აღნიშნა

ალა პუგაჩოვამ 64 წლის იუბილე აგარაკზე, სოფელ გრიაზში აღნიშნა. სასახლე რამდენიმე წლის წინ მომღერალმა მეუღლესთან, მაქსიმ გალკინთან ერთად შეიძინა. ოთხი წლის წინ სცენიდან წასულმა ალამ დღესასწაულის ახლობლების წრეში აღნიშვნა გადაწყვიტა. პუგაჩოვას გადაღება პაპარაცებმა მაშინ შეძლეს, როდესაც სახლთან სეირნობდა, მას ყვავილებიანი კაბა ეცვა. იგი ბედნიერი და კმაყოფილი ჩანდა და მაქსიმ გალკინს აკვირდებოდა, რომელიც სტუმარს, რომელიც ყველაზე ადრე მივიდა, სახლს ათვალიერებინებდა. პუგაჩოვას ყოფილი მეუღლე, ფილიპ კირკოროვი მომღერლისთვის იუბილის მისალოცად ფაქტობრივად პირველი მივიდა.

გალკინმა კი, როგორც თავაზიანმა მასპინძელმა, მას სასახლის ბოლო კონსტრუქციები აჩვენა, რომლითაც იგი ძალიან ამაყობს. მათ სასახლის თავზე ამოტვიფრული ხმლების დასანახად ჭოგრიტი დასჭირდათ.

ამ დროს სასახლეში მსუბუქი სადილი მზადდებოდა. მაგრამ საჭმელზე პუგაჩოვა და მისი სტუმრები დიდ იმედს არ ამყარებდნენ - იუბილარის ჩანაფიქრით, საღამოს მათ მყუდრო რესტორანში წასვლა ელოდათ, სადაც ახლობლების ვიწრო წრეში დაბადების დღის აღნიშვნა იყო გადაწყვეტილი. ამისთვის მომღერალმა ელიტარული რესტორანი "მარიო" აირჩია.

პუგაჩოვას კირკოროვის გარდა მისი უახლოესი მეგობარი - ბიზნესმენი ალინა რედელი, მომღერალი ნიკოლაი ბასკოვი და რუსეთის პრეზიდენტის საქმეთა მმართველის, ვლადიმირ კოჟინის მეუღლე ალა ესტუმრნენ. მაგრამ რესტორანში ალა და მისი სტუმრები დიდხანს არ დარჩენილან - ვახშამი დაახლოებით 2-3 საათი გაგრძელდა, რის შემდეგაც პუგაჩოვა სასახლეში მოსასვენებლად დაბრუნდა.

მომზადებულია heat.ru-ს მიხედვით.